"Whoa! This is really God's creation!" bulalas ni Ric. “This is such a wonderful place!”
Bahagya pa akong natawa sa nakikitang reaksyon ng lalaki. Manghang-mangha s’ya sa nakikita at nangingislap din ang mga mata n’ya. Aliw na aliw tuloy ako sa panonood sa reaksyon n’ya.
Ito rin ang unang beses na nakita kong ganito kaaliwalas ang mukha n’ya. Hindi na rin naging tipid ang mga ngiti n’ya at sigurado akong sincere ang bawat papuring lumalabas sa bibig n’ya.
Sumakay kami ng Roro papunta sa Sierra Galera. Iniwan na namin ang sasakyan namin sa Bugtong Port at kararating lang namin sa Sierra Port dito sa bayan ng Sierra Galera.
Tatlong oras din ang naging biyahe namin pero hindi namin iyon alintana dahil sa ganda ng tanawing nakikita namin. Madami kaming nadaanang isla na pawang may magagan
