"This is life! Yuhoo!"
Hindi makapaniwalang sinundan ko ng tingin ang lalaking nagsisisigaw sa may kalayuan. Hanggang ngayon ay hindi ko pa rin mapaniwalaan na si Ric ang nakikita ko.
Malayo s'ya sa akin pero naririnig ko pa rin ang masayang sigaw n'ya habang nagpapaikot-ikot habang sakay sa flying boat na kanina pa n'ya nirentahan. May isang oras at kalahati na yata s'yang inihahagis-hagis sa dagat ng lumilipad na rubber boat na iyon pero hindi pa s'ya napapagod.
Lampas tanghali na kami nakarating dito sa Sierra Galera. Iyong mga natira sa mga pagkaing baon namin ang kinain namin para hindi kami malipasan ng gutom. Plano ko sana ay magpapahinga kami kahit ilang minuto lang bago kami lumabas para kumain at mamili ng mga kailangan namin.
Ngunit walang nangyari sa mga plano kong iyon. La
