"What the hell?!"
Napahalakhak ako nang marinig ang ilang ulit na pagmumura ni Ric. Hanggang ngayon ay hindi ko pa rin mapaniwalaan na alam n’ya ang lahat ng uri ng mura. Puro english na mura nga lang ang lumalabas sa bibig n’ya. Busangot na busangot ang mukha n’ya habang kunot na kunot ang noo.
Nang sulyapan ko s’ya ay mas natawa ako. Hindi makapaniwalang tiningnan pa n'ya ang pinanggalingan namin. Hanggang ngayon ay hindi pa rin s'ya makapaniwalang binabaybay na namin ang kahabaan ng South Expressway, ang expressway na maghahatid sa amin sa mga probinsya sa gitnang bahagi ng bansa.
Hindi ko nga maintindihan kung bakit hanggang ngayon ay buwisit na buwisit pa rin s'ya samantalang malapit na naming malampasan ang bayan ng La Cordova. Malayo na kami sa lungsod pero hindi pa rin s’ya maka
