"Gabriella! Can you please stop?" Inis na tumingin si Ric sa akin.
Hinawakan ko ang bibig ko para pigilin ang pagngiti pero mas lalong nagkaboses ang piping pagtawa ko. Humalo sa masiglang musikang nagmumula sa banda ang halakhak ko.
Dalawang oras na mula nang matapos kaming kumain at ganoon na rin katagal mula nang halos mapipi si Ric. Kung hindi pa ako nagtaray sa dalawang babaeng bet na bet s'ya ay hindi pa aalis ang mga iyon. Mukhang na-culture shock si Ricardo kaya kinailangan ko pang magpanggap na girlfriend n'ya para lang maitaboy ang mga babaeng nag-aaya sa kanya ng threesome.
"Sorry." Sinupil ko ang ngiti. "Hindi ko naman akalaing yayayain ka nila nang harap-harapan." I laughed again.
Inis na nilaklak ni Ric ang beer. Masama pa rin ang pagkakatingin n'ya sa akin habang inuubos
