"Gabriella!" Kasabay niyon ay ang pang-sampung beses na yatang tawag ni Ric.
"Sandali nga lang!" pasigaw na sagot ko at pinagtuunan ng pansin ang pagkukulot ng buhok.
"We're late!"
Napaikot na lang ang mga mata ko sa narinig. Late? At saan naman kami male-late? Wala namang oras ang nightlife rito sa Sierra Galera.
"Magdadalawang oras ka na dryan sa kuwarto mo. Ano bang ginagawa mo?" muli n'yang tanong sa kabilang bahagi ng pinto. Ramdam na ramdan ko rin ang pagkainip sa boses n'ya.
Tinanggal ko ang curler sa buhok ko at inipit doon ang ibang buhok. "Ten more minutes, Ricardo!"
Nagkuwentuhan lang kami kanina pagkatapos naming mag-island hopping. Nagtsismisan at naligo sa dagat. Nag-race pa nga kami sa paglangoy. Naglaro kami sa dagat at nagtayo kami ng kastilyong buhangin na hindi rin
