Masayang-masaya ang pakiramdam ko nang lumabas kami mula sa gymnasium. Pakanta-kanta pa kami nina Letti habang iwinawagayway ang mga kamay. Tuwang-tuwa rin ang mga kaibigan naming lalaki kaya sinasabayan nila ang trip naming mga babae.
Hindi na rin namin pinansin pa ang masasamang tingin sa amin ng mga estudyanteng nag-cheer sa kalabang team. Ramdam ko ang pagkaasar nila at sa totoo lang ay masarap pa talaga silang asarin, tinatamad na nga lang kami. Kung ako rin ang nasa posisyon nila ay maasar din ako.
Imagine, halos mapaos sila kasisigaw at nanakit na ang mga palad nila kapapalakpak pero natalo pa rin ang team nila. Okay nga kung natalo lang pero ang daming grumaduate sa team na sinuportahan nila. Patunay lang iyon na maruruming maglaro ang mga player ng team na iyon!
Suwerte pa r
