“Gabriella Castro for fourth year’s representative.” Matamis ang ngiting ibinigay ko ang isang flyer sa isang estudyanteng lumapit sa booth ko. Siya ang kauna-unahang estudyanteng lumapit sa booth ko.
Eksaktong alas-nueve pa lang ng umaga nang i-anunsyo ng faculty na pormal nang magbubukas ang mga booth ng mga kandidato. Hindi naman ako kinabahan na baka langawin ang booth ko dahil confident akong dadami pa ang mga estudyanteng pupunta rito. At pagkaalis pa nga lang ng unang estudyante na inabutan ko ng flyer ay kaagad nang nasundan iyon ng iba pa.
Sunod-sunod ang paglapit sa booth ng mga estudyante. Para tuloy kaming naging palengke kung saan ay nagbagsak ng presyo ng mga bilihin.
Letti held the megaphone. Hindi ko nga alam kung saan n'ya nakuha iyon. “Huwag po tayong magkagulo, mabib
