“Oh…” Napaungol ako nang maramdaman ang malambot na kinahihigaan ko. Hindi ko magawang imulat ang mga mata ko dahil gustong-gusto pa ng mga iyon na pumikit.
Nanatili akong nakapikit at pinagbigyan ang mga mata at ang pagod na katawan. Magaan ngunit pagod pa rin ang pakiramdam ko. Baka nga bukas pa ako makapag-adjust sa nangyaring pagkakatapon nang ilang beses ng katawan ko sa dagat.
Wala naman akong pinagsisisihan dahil nag-enjoy din naman ako sa mga ginawa namin kahapon. Nakakatuwang para kaming biglang naging mga bata. Enjoy na enjoy ako kaya ngayon ay pagod na pagod naman ako.
Nakapikit na iniunat ko ang mga braso at binti ko. Napahagikhik pa ako nang marinig ang pagtutunugan ng mga buto ko. Hindi ko na talaga maitatanggi ang pagod ko dahil maging ang katawan ko ay nagsasabi na ng ka
