إختفاء البارت العشرون
1911 Words
إختفاء
البارت العشرون
بقلم / غاده سعيد
_ ايوه قريبتها انت تعرفيها منين انا ابقى بنت اختها . . . . .
= مش باين عليك خالص شكلك محترمه وبنت ناس الناس دي بتاعه اعمال وسحر سفلي انت ازاي تبقى قريبتها وكمان بنت اختها هو انتي كمان ليكي في الاعمال والسحر . . . . . .
_ استغفر الله العظيم اعمال ايه وسحر ايه لا طبعا ما ليش في الكلام ده انا حكايتي طويله شويه اختصار الحكايه اني بقى لي سنين كثير ما شوفتش خالتي ماما كانت مقطعاها من ساعه ما عرفنا ان جوزها بيشتغل في الاعمال و بياذى الناس قطعنا علاقتنا بيها لكن انا والدتي توفت وكنت رايحه اقول لها ان اختها ماتت . . . . . . .
= وتفتكري انها تزعل على اختها انتم بقى لكم كثير ما بتكلموش انتي اكيد جايه لسبب تاني . . . . .
_ بصراحه ايوه انا بادور على اخويا بقى لي 21 يوم وعندي امل انها تكون عارفه طريقه انا خايفه تكون هي اللي عملت فيه حاجه عشان تنتقم منه لانها كان نفسها يتجوز بنتها واحنا كلنا رفضنا . . . .. . . . .
= انا هساعدك عشان انتي شكلك طيبه هود*كي لحد بيتها وهاقول لك تتصرفى ازاى. . . . . . . .
_ يا ريت تبقى عملتي فيا جميله عمري ما هنساها لك . . . .
= ما تقوليش كده احنا اكيد هنبقى صحاب كفايه انك سمعتيني و فضفضت معاكي . . . . . .
_ طيب قولي لي اول ما اوصل اعمل ايه بالضبط هي عارفاني واكيد هتستغرب انا جيت ليه . . . . . . .
= اول حاجه اول ما تشوفيها اترمي في حضنها وعيطي وقولي لها على خبر وفاه والدتك بعد كده تقولي لها ان والدتك موصياكى انك تيجي تزوريها. . . . . . اقعدي معاها في البيت يومين شوفيها بتعمل ايه وقوليها ان اخوكي مشي وساب البيت واطلبي منها ان جوزها يساعدك تعرفي مكانه واكيد لو هما ورا الموضوع هيبان من اول ما تروح لهم البيت . . . . . .
_ ماشي فكرة برضو هعمل كده . . . . . .
= احنا خلاص قربنا نوصل لما تروحي على بيتها اعملي كل اللي قلت لك عليه وان شاء الله تلاقيه في اقرب وقت . . . . . .
_ الطريق طويل قوي هو احنا هنوصل امتى . . . . . .
= ان شاء الله اقل من ساعه وهنكون وصلنا . . . . . . .
عدا ساعه وصلوا الصعيد ونزلوا من العربيه ودينا وصلت زينه لحد بيت خالتها ووصتها تخلي بالها من نفسها وتاخد بالها من الناس دي عشان دول ناس مش سهله خالص . . . . . .
ودعتها و مشيت . . . . . .
زينه كانه واقفه مرعوبه قدام بيت خالتها القديم الي واقف قدامه ناس غريبه جايين بصور عشان يعملوا اعمال عليها والبيت في مكان غريب مفيش حواليه اي بيوت تانيه . . . .
خبطت عالباب وهي ايديها بتترعش و رجليها مش شيلاها . . .
فتحلها واحد شكله غريب جدا وقالها .. . . . . .
_ نعم . .. . . خدي دور واستني بره . . . . .
= انا عاوز اقابل سوسن انا مش عاوزه جوزها . . . . .
_ ست سوسن بتشتري حاجات تعالي استنيها جوة . . . . . .
دخلت البيت الي ريحه البخور كانت ملياه ومش شايفه قدامها من الدخان الي حواليها قعدت عالكنبه تستناها وهي مرعوبه من منظر البيت الحيطان متعلق عليها قرون غزلات وجماجم وحاجات اول مرة تشوفها وكان فيه مكتبه مليانه كتب قديمه . . . . . . .. . وناس داخله وخارجه في اوضه مقفوله دي الي اكيد فيها جوزها . . . . .
كانت مرعوبه احسن جوزها يطلع ويشوفها خصوصا انه عارف انهم مقاطعنهم بسببه . . . . . .
فضلت قاعدة شوية مبتتحركش وفجأه لقت حد بيخبط علي ضهرها . . . . .
_ اهلا يا زينه عاش من شافك . . . . . .
= اهلا يا جوز خالتي انا جايه اشوف خالتي واسلم عليها . . . .
_ غريبه يعني مش انتي وامك مقاطعنها تقريبا من ساعه متجوزتنا . . . . . .
= امي الله يرحمها انا جايه ابلغها كمان ان اختها اتوفت . . . . .
_ احنا عارفين انها ماتت . . . .
= عارفين ! عارفين منين . . . . .
_ احنا مفيش حاجه منعرفهاش احنا بنعرف كل حاجه من قبل ماتحصل . . . . . .
= العلم عند ربنا يا جوز خالتي هي خالتي فين صحيح . . . . . .
_ زمانها جايه راحت تجيب شوية طلبات عشان الشغل بتاعنا . . . . .
= الشغل بتاعكم . . . . هي كمان بقت تشتغل معاك فالسحر . . .
_ دي بقت اكتر مني كمان انتي بس الي بقالك كتير مش بتشوفيها . . . . . . .
= طيب و سلمي بنتكم فين انا مش شيفاها . . . . . .
_ سلمي مشيت وسابت البيت من ٣ سنين كده كانت معترضه على الشغل بتاعنا وانا قلت لها اني مش هاسيب الشغل في يوم لمت هدومها وهربت من البيت وما دورتش عليها هي اللي اختارت انهي تبعد عني انا ومامتها ومش هجبرها انها تعيش معانا غصبا عنها . . . . . .
= انت ازاي بالجحود ده تخليت عن بنتك عشان شغل كله حرام انت بتشرك بربنا ومش عارف عواقب اللي انت بتعمله . . . .
_ انت جايه تشوفي خالتك ولا جايه تديني محاضره في الشغل بتاعي لو جايه تشوفي خالتك من غير كلام. . . اهلا وسهلا بيكي في بيتنا لكن لو هتديني محاضره عن الشغل بتاعي فاتفضلي من غير مطرود . . . . . .
قعدت زينه في مكانها مهي مينفعش تمشي من غير متشوف اي حاجه توصلها ل زين . . . . . .
وجوز خالتها دخل الاوضه لأنه كان جايله زباين تاني . . . . .
قعدت تفكر هما ممكن يأذوا زين وبنتهم اصلا سايبه البيت من ٣ سنين . . . . . ايه الي هيجيب في بالهم زين دلوقتي . . . .
قعدت استنت نص ساعه كمان لقت خالتها داخله ومعاها واحد شايلها شنط كبيرة مليانه عضم لحمه وقماش كتان وحاجات غريبه . . . . . .
_ ياااه زينه غريبه يعني افتكرتي خالتك ايه الي فكرك بيا فجأه . .. . . .
= جيت اسلم عليكي وابلغك ب وفاه امي .. . . . . . . .
_ لا قولي كلام غير ده انتي تسلمي عليا انا دانا بقالي سنين معرفش عنكم حاجه قاطعتوني من غير سبب . . . . .. .
= كل ده و من غير سبب امال لو ب سبب كنتي عملتي ايه انتي شايفه الي بتعمليه ده صح انتي بتأذي الناس وتدمريهم . . . .. . . . . ليه بتعملي كده انتي كنتي متربيه مع ماما الله يرحمها ازاي وصلتي للحاله دي وعشان ايه . . . . . . . .
_ انتي جايه بعد السنين دي كلها تحاسبيني كان فين كلامك ده زمان محدش فيكم وقف جنبي وسيبتوني امشي فالطريق ده ومينفعش اوقفه وبدل ما تسندوني قاطعتوني بس انا خلاص دخلت الطريق ومفيش خروج منه غير ب موتي . . . . . . .
= توبي ل ربنا يا خالتي و ربنا هيتقبل منك . . . . . . .
_ دي حاجه متخصكيش لخصي يا زينه انتي جيالي ليه وعاوزه ايه مني ومتقنعنيش انك جايه مخصوص تشوفيني . . .. . . لأني مش مصدقاكي بصراحه . .. . . . . . .
= زين فين يا خالتي انتي عارفه طريقه . . . . . . ..
_ زين مين . . . . . .
= هيكون زين مين زين اخويا . .. . . . . .
_ وهو انتي فاكرة اني لسه فاكرة انك عندك اخ اسمه زين انا محيتكم من ذاكرتي خلاص ونسيت عيلتكم دي . . .. .. . .
= انا بقالي ٢٢ يوم مش لاقيه اخويا اختفي ومش عارفه راح فين جيت اما اسألك عليه . . . .. ..
_ تسأليني انا ليه وانا ايه علاقتي بيكم اصلا . . . . . .
= ضاقت بيا الطرق مبقتش عارفه اروح فين . .. . . .. . . .
_ طيب اسمعي انا هتكلم مع جوز خالتك واخليه يشوفلك كده هو فين . . . . .
= يشوفلي ازاي . . . .. . بالسحر والشعوذه .. . . . . .
_ انا غلطانه اني عاوزه اساعدك . . . . ..
= انا لما بدور علي اخويا بلجأ لربنا مش هلجألكم انتوا . .. . . . توبي يا خالتي ل ربنا محدش عارف مين هيموت امتي . . .. .
_ لولا انك بنت اختي كنت طردتك من البيت بس مش هقدر اسيبك والدنيا قربت تضلم باتي معايا وبعدها روحي بيتك ومشوفش وشك هنا تاني يا زينه . . . . . . . .
= يعني انتي متأكده ان زين محصلهوش حاجه من ناحيتك . . .
_ زين مين ده انا لو شوفته فالشارع مش هعرفه . . . . . .
قولتلك تعالي ادخلي لجوز خالتك وهو هيقدر يوصلك بيه . . . .
= لا مش عاوزه اروحله انا ناقصه اكتر من الي انا فيه . . . . .
_ طيب اطلعي نامي في اوضة سلمي لحد ما النهار يطلع وتمشي . . . . .
زينه طلعت فوق لأن مكنش عندها اختيار تاني دخلت الاوضه الي كان كلها تراب ونفضت السرير و نامت عليه . . . . .
فتحت تليفونها ملقتش اي حد متصل بيها بعتت رساله ل آدم . . . .. . . .
_ انا وصلت بيت خالتي . .. . . .
= طيب وصلتي ل حاجه . . . . .
_ ولا اي حاجه خالص شكلهم ملهمش دعوة بالي حصل . . . . .
= طيب انتي لوحدك اتصل بيكي .. . . . . .
_ اه قاعده فالاوضه لوحدي اهو . . . . . . .
اتصل بيها حكيتله علي كل الي حصل وكان رده . . . . .
_ اوعي تمشي من عندك خليكي وراهم لحد ما تطلعي منهم ب اي معلومه بخصوص زين الناس دي وراها اسرار كتير شكلها . . . . . . . .
= اسرار ايه بس الناس دي متعرفش حاجه بشوية الهبل الي بيعملوه عالناس وبعدين منا قولتلك مفيش سبب يأذومي عشانه و هما تقريبا شبه طردوني من بيتهم بس لما النهار يطلع لأن مفيش مواصلات دلوقتي . . . . .. .
_ طيب حاولي بس تدوري في اي حاجه عندهم يمكن توصلي ل زين . . . .. .
= هشوف كده يا ادم انا اصلا خايفه منهم جدا و قلبي مقبوض مش عارفه ليه يمكن عشان البيت هنا مريب . . . . . . .
هشوف كده زلو وصلت ل اي حاجه هتصل بيك . . . . . .
قفلت مع ادم وقعدت تلف فالاوضه زي المجنونه وتبص من الشباك لكن مفيش اي فايده حتي خالتها محبطتش عليها الباب ولا ادتها اكل كأنها مش موجوده خالص . . . . . .
فتحت الادراج الي جنب السرير لقت صور سلمي وهي كبيرة . . . . . . شكلها مختلف عنهم خالص و مش شبهم ليها حق تسيبهم وتمشي . . . . .
كو كانت حاطة صورها هي و اصحابها فالجامعه . . . . . .
فجأه زينه سمعت صوت غريب تحت . . .. . . بصت من الشباك لقت خالتها وجوزها تحته ماسكيين فاس و رايحين . . . . . .
يتبع
كتابات ل ghada saeed
- Writer
