إختفاء

إختفاء البارت الحادي والعشرون

إختفاء

البارت الحادي والعشرون

بقلم / غاده سعيد . .

لقت خالتها و جوزها بيتسحبوا ومعاهم كيس كبير وعمالين يبصوا بره البيت يشوفوا حد باصص عليهم ولا لا . . . . . . .

قعدوا يفحتوا فالارض بالفاس عمق مترين تقريبا وزينه كانت بتراقب و بصه من بعيد لحد ما لقت جمجمه ظهرت فالارض . . . . . . قلبها انقبض ومحستش بنفسها غير و هي نازله تجري وتقول زين اخويا . . . . . . كل الي جه في دماغها انها جمجمه اخوها وهما قاتلينه ودافنينه تحت بيتهم عشان كده عمالين يتلفتوا حواليهم . . . . . . .

_ انتم بتعملوا ايه هنا ومين اللي انتم دافنينه ده انا شفتكم من فوق متنكروش . . . . . . ..

ردت خالتها وقالت . . . . .

_ وانتي مالك اصلا بالكلام ده سيبينا نشتغل ونشوف شغلنا . .

= لا دا زين انا قلبي حاسس انك عملتي في اخويا حاجه . . . .

_ انتي اتجننتي يا بت زين مين ده انتي واهلك كلهم مش في دماغي اصلا شوفي بقي انا كنت بقولك باتي معايا عشان صعبتي عليا تمشي في نص الليل لكن تطلعي دلوقتي حالا وتاخدي شنطتك و تمشي من هنا ماشوفش وشك تاني خالص انتي سامعه ولو لقيتك تاني هدفنك مكان الجمجمه دي . . . . .

= انتي ازاي تأذي حد ملوش ذنب عشان الفلوس انتي معندكيش دين ولا قلب والناس ازاي سايبينك كده . . . . . ..

انتي مستحيل تكوني خالتي الي ربتني زمان انا و اخويا . . . .

فجأه صوت خالتها اتغير وقالتلها وعنيها لونها احمر امشي اطلعي بره البيت دلوقتي حالا . . . . . . بقولك امشي ي ي ي ي

طلعت زينه تجري وهي جسمها كله بيتنفض ومش حاسه بنفسها وساعتها عرفت ان خالتها تحت تأثير الجن . . . . .

مبقتش عارفه تروح فين ولا تعمل ايه وشنطتها فوق بس لولا ستر ربنا ان تليفونها كان في ايديها . . . . . . .

وشريف كان بيتصل بيها في نفس اللحظه . . . . .

_ الحقني يا شريف انا خايفه ومش عارفه اعمل ايه . . . .

= إهدي بس يا زينه و فهميني ايه الي حصل وانتي فين . . . . .

_ انا فالصعيد اروح فين وشنطتي مش معايا . . . . . الحقني انا هموت . . . . .

= زينه اهدي انا معاكي روحي في مكان هدوء عشان افهم منك و هدي نفسك وفهميني بالتفصيل رحتي الصعيد فين وعند مين . . . . . .

_ عند خالتي شكيت فيها لأنها بتاعه اعمال وشكي حاسه انه صح شوفتها دافنه حد فالجنينه وطردتني بره البيت و شنطتي فوق عندها اروح فين يا شريف . . . . . .

= بصي انا عشان اوصلك فيها ٩ ساعات فا انا هتصل ب رئيس مباحث الاسم الي هناك اكيد انا اعرفه لأني اشتغلت فالصعيد يجي ياخدك لحد ما اوصلك انا . . . . . ابعتيلي اللوكيشن بتاعك دلوقتي بس . . . . . .

قفلت معاه وبعتتله الموقع بتاعها عشان اللي يجي ياخدها يكون عارف المكان بالظبط . . . . . . .

اتصل بيها بعد دقيقتين وقالها رئيس المباحث بنفسه جاي ياخدك دلوقتي حالا وخليني معاكي عالتليفون . . . . . .

عملتي كده ليه يا زينه هو ده الي اتفقنا عليه مش احنا اتفقنا اننا هنعمل كل خطوة مع بعض ليه بتخلي ب وعدك انا والله عاوز اساعدك مش اكتر . . . . . . .

_ غصب عني يا شريف حسيت اني لازم اسافر و مرضتش اقولك عشان متتشغلش عن شغلك واعطلك . . . . . .

بس انا في موقف وحش و كل شنطتي فوق عندهم ومعيش فلوس ولا محفظتي . . . . . .

= هايجيلك دلوقتي حازم وياخدك وهجبلك شنطتك و كل حاجه انا اتحركت خلاص من عندي وان شاء الله اوصلك بسرعه علي طلوع النهار هكون عندك . . . . . .

_ انا مش عارفه اقولك ايه انا اسفه لو بوظتلك شغلك بس فعلا انت اكتر حد وقف جنبي الفترة الي فاتت دي . . . . . .

= دا واجبي وانا شايف انك فعلا تستحقي المساعده وان شاء الله هاجي و احقق بنفسي هل خالتك ليها علاقة ب اختفاء اخوكي ولا لا . . . . . .

_ اهو في حد وصل ب عربيه . . . . .

= طيب اديله التليفون اتأكد انه هو . . . . .

_ ايوة يا شريف باشا انا وصلت اهو . . . .

= حازم باشا معلش تاعبينك معانا خلي بالك منها دي حد عزيز عليا جدا انا شويه و جايلك . . . . .

_ في عنيا يا شريف باشا . . .. . . .

اتفضلي اركبي العربيه وهنوصل للمكتب بتاعي . . . . . . .

دخلت العربيه وخمس دقايق وصلوا المكتب وفضلت قاعده قلقانه وخايفه . . . . . .

بصت علي تليفونها ملقتش ادم حتي متصل بيها ولا باعتلها رساله استغربت جدا انه مبيتطمنش عليها زي شريف مع انه بيقول انه بيحبها . . . . .

اتصلت بيه هي و رد . . . . .

_ ايوة يا ادم عامل ايه . . . . .

= الحمد لله كويس انا من الصبح بدور علي اي حاجه توصلني ب زين . . . . . .

كانت لسه هتحكيله الي حصلها لكن سمعت واحده بتنادي عليه وتقوله يلا يا ادم الحفله هتبدأ . . . .

_ انا هقفل دلوقتي عشان ورايا مشوار خلي بالك من نفسك سلام . . . . . .

وقفل بسرعه . . . . .

حاسه انه بيكدب في حاجه ومين الي كانت معاه دي معقوله يكون ادم بيضحك عليها ومش بيحبها . . . . . .

اتغيرت نظرتها عن ادم بس بقت تقول فنفسها ممكن اكون ظلماه بس قررت انها مش هتحكيله ان شريف جايلها عشان ميتضايقش منها لأنه قالها اوعي تحكي لشريف حاجه . . . . . .

ولا هتحكي لشريف ب موضوع ادم ده . . .. . .

فجأه باب المكتب خبط و رئيس المباحث دخل . . . . .

_ اهلا يا استاذه زينه منورانا والله . . . . . . . .

= اهلا بحضرتك معلش عملتلكم إزعاج . . . . .

_ لا طبعا مفيش إزعاج وبعدين اي حد غالي عند شريف باشا بيبقي غالي عندنا احنا كمان . . . . . . .

حضرتك كنتي عند مين هنا فالصعيد .. . . . . .

= بصراحه انا كنت عند خالتي سوسن ساكنه جنب المكان الي خدتني منه . . . . .

_ سوسن مرات سعد !!!

= اوعي تفهمني غلط انا مش زيهم انا اصلا مقطعاهم من سنين جيت امسك عليهم اي دليل عشان اعرف اخويا راح فين . . . .

_ انا الي نفسي امسك عليهم دليل واحد وهجبهم من قفاهم . . .

= كل حاجه بيدفنوها فالجنينه جنب الشجرة بحوالي متر فيه بلاط محطوط بيتخلع بيشيلوه و دافنين تحتيه بلاوي . . . . . . . هو ده الدليل

_ انتي بتتكلمي بجد . . . . . .

= اه والله انا شيفاهم بعيني . . . . .

_ لو طلع الكلام ده صح تبقي ساعدتيني كتير امسك عليهم حاجه بدل ما هما بأذوا الناس كده منهم لله . . . . . . .

انا رايحلهم دلوقتي . . . .. . .

= استني ارجوك شريف يجي بس وناخده ونروح لازم اكون معاكم انا اخويا مختفي بقاله ٢٢ يوم وشاكه يكونوا عملوا فيه حاجه. . . . . .

_ انتي مش بتقولي مقطعاهم من سنين . . . . . .

= بس انا مفيش قدامي حد غيرهم خصوصا انها كانت عاوزه تجوزه لبنتها جايز كانت هتنتقم منه . . . . . . .

_ ماشي هنضطر نستني للصبح بناء علي رغبتك . . . . . .

= شكرا لحضرتك . . . . .

_ انا جبتلك عشا خفيف كده عشان اكيد مأكلتيش من الصبح . . .. . . هسيبك دلوقتي ترتاحي و دا مفتاح المكتب تقفل الباب عشان متقلقيش وانتي نايمه . . . . . .

= ماشي شكرا لحضرتك انت انسان زوق جدا . . . . . .

_ لا ولا يهمك . . . . . .

سابها حازم و اكلت ساندوتش واحد بالعافيه مكنتش قادرة تاكل خالص . . . . . .

عنيها غفلت شويه وكان شريف وصل . .. . . . .

خبط عليها عالباب قامت اتفزعت لانها كانت رايحه فالنوم . . .

_ زينه انا اسم انا صحيتك مكنتش اعرف انك نايمه . . . ..

= شريف انا متبهدله هنا انا غلطت اني عملت حاجه تاني من وراك مش هاخد اي خطوة غير لما اقولك . . . . .

_ ملوش لزمه الكلام ده يا زينه انتي كويسه . . . . .

= انا مش كويسه خالص ومش هبقي كويسه غير لما الاقي اخويا . . . . . .

_ ان شاء الله هنلاقيه مع بعض وهيكون كويس وعايش . . . .

= يارب يا شريف . . . . هنعمل ايه دلوقتي طيب . . . .

_ هنروح بيت الست دي الي هي خالتك وهناخد قوة معانا واضح انهم ناس مش سهله خالص . . . . . .

= ايوة فعلا ربنا ينتقم من كل واحد بيأذي غيره بدون وجه حق كل ده عشان خاطر الفلوس . . . . . . .

_ طيب يلا اغسلي وشك و تعالي معانا عشان منتأخرش ونلحق نرجع . . . .

دخلت غسلت وشها ووصلوا لبيت خالتها والبوليس خبط عليهم الباب . . . . .

يتبع

كتابات ل ghada saeed