إختفاء البارت التاسع عشر

2271 Words

إختفاء البارت التاسع عشر بقلم / غاده سعيد _ تروحي وترجعي بالسلامه طمنيني عليكي اول ما تتحركي و زي ما نبهتك اوعي تقولي للي اسمه شريف ده حاجه خالص انتي بتعمليها لو عاوزه كل الي بنعمله يكمل و نلاقي زين اوعي تجيبيله سيرة لأنه هيعطلنا .. . . . . . = ماشي يا ادم خد بالك من نفسك وابقي طمني لو وصلت ل حاجه . . . . . . . . _ زينه انا بحبك . . . . . . . ضحكتله زينه و نزلت تدور علي عربية طالعه الصعيد . . . . كان فيه عربيه فيها مكان واحد وتطلع . . . . .. فرحت زينه جدا و ركبت كان جنبها واحده في الاربعين من عمرها شكلها ست محترمه . . . . . . ركبت جنبها والست كانت ماسكه تليفونها تقلب فيه كان فيه صورة ولد في مرحله المراهقه اول ما شافته انهارت من العياط وايديها قعدت تترعش . . . . . . _ مالك بس وحدي الله . .. . . . . . = دا . . . . دا يبقي ابني بقالي سنين مشوفتهوش منه لله ابوه حرمني منه . . . . . . خده و سافر بيه . . . . . . _ طيب وانتي سيبتيه يسافر بيه ليه . . . . . = غلطه عملتها بس البني ادم خطاء غلطه وبتحمل تمنها بقالي سنين بموت بالبطيء والله . . . . . . . _ غلطة ! غلطة ايه واضح انك شايلة جواكي من سنين فضفضي لو تحبي انتي زي اختي الكبيرة . . . . . = اصعب احساس فالدنيا لما ابنك يكون قدام عينك وفجأه متلاقيهوش.... انا دينا وعندي ٣٠ سنه متجوزه ومبسوطه في حياتي الحمد لله ابني سليم هو كل حياتي عنده ٧ سنين هو ماشاء الله واعي وفاهم وبيفكر اكبر من سنه ب كتير.... في يوم حصلت حادثه كبيرة علي الطريق وكنت انا من المتضررين وحصلي تهتك فالرحم عشان كده الدكاترة عملولي استئصال للرحم ومبقاش ينفع اخلف تاني... حمدت ربنا علي سليم قولت هكبره وهدخله احسن مدرسه ويبقي هو كل حياتي .... كتابات ل ghada saeed حياتي كانت ماشيه مستقرة لحد ما حياتي اتقلبت... انا وسليم متعودين ننزل افسحه في اي مول واوديه الملاهي عشان يا حبيبي بيزهق من كتر القعدة لوحده ملوش اخ ولا اخت اتصلت ب يوسف جوزي.... _ ايوة يا يوسف انا هخرج انا وسليم نتفسح نروح المول عشان زهقان وماسك التليفون طول اليوم وكده غلط عالولد .. _ ماشي ياحبيبتي استني هاجي معاكي _ لا انا هنزل لوحدي مش لسه هستني الولد زهقان جدا وصعبان عليا.... _ طيب خلي بالكم من نفسكم الدنيا زحمه النهارده وكنت خايف عليكم... _ متخافش انا معييش غيره مش هخلي بالي منه ازاي وبالفعل رحنا المول ودخلنا المراجيح و***ب كل الال**ب وكنت واقفه اصوره... كتابات ل ghada saeed حطيت تليفوني فالشنطه وهو علي اللعبه كان راكب لعبه مقفوله هو واتنين معاه وانا واقفه مستنياه وعيني عليه فجأه تليفوني رن وسط الدوشه وصوت اطفال كتير ببص فالشنطه اطلعه وانا بطلعه ارد لقيت اللعبه خلصت والولدين خرجوا وسليم مش معاهم.... قعدت اجري زي المجنونه واسأل الناس وكل واحد ماسك عياله ومش بيرد قعدت اصوط فالمكان بس صوت الاطفال كان اعلي مني قعدت انده عليه لما صوتي رااح وكأن الارض انشقت وبلعته وقعت عالارض من كتر الصدمه وايدي قعدت تترعش طلعت موبايلي عشان اتصل ب جوزي _ الحقني يا يوسف سليم مش لقياه.. _ ايه انتي بتقولي ايه هجيلك حالا... لقيته عندي في خلال خمس دقايق معرفش ازاي لحق يوصل فالمده دي.... _ في ايه يادينا... _ والله يا يوسف الولد كان قدام عيني فاللعبه هنا بطلع التليفون فاالشنطه وفجأه ملقيتهوش .... _ ازاي يا دينا اختفي في ثواني يعني انا قولتلك متنزليش فالزحمه _ مش وقته الكلام ده انا عاوزه ابني...... _ تعالي نسأل جوه.. قعدنا نجري زي المجانين وسألنا ال واقف عاللعبه _ والله يا بيه انا مهمتي اشغل اللعبه واطفيها ومليش دعوة ب الي راكب ولا ببص ناحيه هناك... قعدنا نجري زي المجانين في كل مكان مفيش حد بيرد علينا سليم اختفي خلاص.... _ يوسف تعالا علي اوضه الكاميرات طلع يجري يسأل علي المدير ... دخلناله وحكيتله الي حصل وانا منهارة... رد ب كل برود... _ للأسف مش هقدر اوريكي الكاميرات لازم إذن نيابه دي سياسه مكان ومقدرش افتحلك ولا كاميرا _ ابوس ايدك افتحلي كاميرة الملاهي بس عاوزة ألحق ابني _ انا اسف والله مش هقدر طلعنا نجري عالقسم عشان نجيب إذن النيابه وهناك كانت الصدمة.... دخلنا القسم وابتدينا نسأل علي ظابط المباحث ودخلونا ليه وابتديت احكيله وانا منهارة الي حصل وان احنا عايزين إذن نيابه بسرعه عشان نفتح الكاميرات لأن مفيش وقت وكلها ساعتين والمول يقفل وكان رده.. _ انا طبعا مقدر شعورك كا أم بس للاسف في اوراق مطلوبه لازم تجبهالي زي شهاده ميلاد الولد وما يثبت انكم كنتوا فالمول وحاجات كده _ بقولك ابني بيروح تقولي كده _ حضرتك مش فاهمه اصلا إذن النيابه مستحيل يطلع غير لو عدي علي الاختفاء ٢٤ ساعه وهو مكملش ساعتين روحي لو سمحتي جهزي الاوراق وتعاليلي بكرة الصبح = خلاص يا دينا يلا نمشي ونيجي بكرة الصبح.... شكرآ يا حضرة الظابط... طلعنا برة القسم وانا قلبي بيتقطع علي ابني هموت خلاص مش قادرة اقف علي رجلي..... _ يوسف انا مش هروح البيت انا هدور عليه للصبح وهروح المول _ زي ما تحبي انا مش عايز ازعلك وماسك نفسي بالعافيه عشان خاطر سليم بس انتي السبب في كل الي احنا فيه ده.... كلامه وجعني اوي دي هي لحظه الي بصيت فيها فالتليفون انا فعلا مهملة ... رحنا عالمول لقيناهم بيقفلوا وسليم مش موجود يوسف قالي... _ هروحك انتي عند مامتك وهروح انا ادور عشان بكرة يومنا طويل _ لا انا هفضل معاك _ وجودك ملوش لزمه معايا روحي ارتاحي عند مامتك... خدني روحت عند مامتي اول ما دخلت عندها.... _ خير يابنتي مالك جايه متآخر كده ليه ومال وشك _ سليم اتخ*ف ياماما _ يالهوي انتي بتقولي ايه ازاي دا حصل حكيتلها كل الي حصل وانا هموت علي ابني.... _ يا حبيبي ياسليم ياترا مين خ*فك يانور عين جدتك ادخلي يابنتي اغسلي وشك واتشطفي وارتاحي عشان بكرة يومكم طويل... كتابات ل ghada saeed دخلت اريح عالسرير وانا التفكير هيموتني ياترا بيعملوا فيك ايه دلوقتي يابني.... كلمت يوسف التليفون .... _ ايه يا يوسف عملت ايه _ اديني بدور اهو وقاعد ارتاح عالقهوه شوية تاني يوم الصبح جهزت كل الاوراق وطلعنا عالقسم والرئيس المباحث كان متساهل معانا بصراحه وطلعلنا اذن النيابه قبل ال ٢٤ ساعه وراح معانا المول اوضه الكاميرات وطلب كاميرة الملاهي تتفتح في نفس وقت اختفاء سليم.... لقينا في وقت ما تليفوني رن واحد لابس كاب جه شال سليم من اللعبه وخده ومشي ووشه مش باين خالص.. _ استني استني يابني رجعلي الحته دي _ في ايه يا حضرة الظابط... _ ابنكم بيضحك لما شاف الي شاله الي خ*فه ده حد ابنكم عارفه كويس وللأسف وشه مش واضح تقدروا تتعرفوا عليه من الهدوم الي لابسها.... _ لا طبعا مستحيل نبقي حافظين هدوم الناس _ طب انتوا ليكم اي اعداء من ناحيه القرايب الاصحاب _ لا خالص.... _ غريبه الي باين فالفيديو ان الي خده حد الولد عارفه كويس بدليل انه بيضحكله وهو ذكي ادي ضهره للكاميرا. ... _ مين ده يا يوسف انت تعرفه _ هعرفه منين دا مش باين منه اي ملامح..... امال هيكون مين ال اخد سليم.... انا هتجنن عمرنا ما كنا اعداء مع حد ولا حد بيكرهنا _ حضرتك روحي ارتاحي وسيبي المباحث تشوف شغلها مشيت انا ويوسف عشان يوديني عند ماما ويكمل تدوير علي سليم..... اول ما وصلنا عند باب العمارة فجأه تليفون يوسف رن.... _ الو _ انت بقي الي بتدور علي ابنك _ انت مين _ ابنك معايا لو عاوز تشوفه جهز مليون جنيه في خلال يومين وتعالا قابلني... _ اقابلك فين _ هبقي اكلمك اقولك ... بس عاوز اقولك لو رحت القسم تاني اقرا الفاتحه علي روح ابنك احنا مراقبينك كويس وحواليك في كل مكان _ طب اديني الولد اكلمه فجأه السكه اتقفلت الخط قطع...... _ مين دا يا يوسف .. _ وانا اعرف منين مانتي سامعه الكلام ب ودانك.... _ انا هبلغ البوليس.... _ لا يا يوسف بوليس ايه هيعملوا حاجه ف ابني ابوس ايدك انا عاوزه سليم بيع الشقه وبيع كل الدهب وبيع العفش اهم حاجه سليم يرجع ابوس رجلك _ ابيعهم ل مين بس في يومين... _ مش الشقه كان صاحبك احمد عاوز يشتريها كلمه بيعهاله دلوقتي.... وخد كل دهبي مش عاوزاه انا عاوزه ابني يرجعلي.... _ اطلعي دلوقتي وانا هكلم احمد وهشوف هعمل ايه.... _ لا خليني معاك ابوس ايدك انا مش مستحمله اقعد علي اعصابي.... اتصل ب احمد وحكاله كل الي حصل... _ ياساتر يارب امتي حصل دا يا يوسف فهمني _ مش وقته يااحمد انت دلوقتي هتاخد الشقه دي ولا اشوفلها بيعه تانيه.... _ لا بيعه تانيه ايه هاخدها طبعا وفلوسي جاهزة كلها هروح الصبح اسحبهم من البنك..... ٧٠٠ الف جنيه تمام.... _ خلاص كده اتصرفنا في ٧٠٠ الف ناقص ٣٠٠ _ دهبي خده بيعه كله يكمل المبلغ.... _ انا والله ما معايا جنيه انتي عارفه انا كل مرتبي رايح عالبيت والي جاي علي اد الي رايح _ مش وقت الكلام ده إلحق الولد ابوس ايدك.... خد يوسف الدهب وراح باعه وتاني يوم جاب عقود الشقه وباعها هي والعفش كلهم بالدهب جابه مليون و ١٠٠ الف قولتله يخلي معاه باقي الفلوس عشان لو حصل اي حاجه ... قعدنا يومين قاعدين جمب التليفون عشان حد يتصل اليومين عدوا ولقينا التليفون بيرن الساعه ١٢ بليل _هاا جهزت الفلوس _ اه جهزتها وانا ايه يضمنلي ان الولد معاك... _ مفيش ضمانات عاوز تاخد ابنك جهز الفلوس وتعالا فالكيلو ١٦ طريق اسماعليه الصحراوي الساعه ٦ الصبح وزي ما قولتلك اي غدر ابنك هيموت... وقفل السكه في وشه..... جروب كتابات ل ghada saeed _ اعمل ايه يا دينا _ هنروح طبعا نجيب الولد _ انا خايف يطلعوا نصابيين والولد مش معاهم _ ولو مش نصابين وابنك يتقتل عادي في داهيه الفلوس.. فضلنا صاحيين منمناش واتحركنا بعد الفجر والفلوس معانا وصلنا عند الكيلو ١٦ في منطقه مقطوعه مفيهاش مخلوق استنينا ساعه واتنين ومحدش جه لحد ما لقينا عربيتين بيقربوا مننا وبيقفوا ونزل منها ناس ملثمين اخدوا شنطه الفلوس من العربيه وخبطوني انا ويوسف علي دماغنا وطلعوا يجروا.... لما فوقنا كان عدا وقت كتير _ شوفتي مش قولتلك نبلغ البوليس خسرنا الولد والفلوس شوفتي تسرعك عمل ايه ضيعتينا وضيعتي الولد والفلوس معرفتش ارد عليه خالص منا السبب في كل ده... قومنا من مكانا ومشينا مبقناش عارفين نروح علي فين مفيش بيت ولا فلوس ... فجأه تليفوني رن _ ايوة يا مدام دينا معاكي محمد ظابط المباحث _ ايوة يا حضرة الظابط وصلتوا ل حاجه _ انا عايزك دلوقتي حالا... طلعت اجري زي المجنونه انا ويوسف علي الظابط عشان نشوف ايه الي حصل وانا كلي امل يكونوا لقوه اول ما دخلنا لقينا علي وش الظابط معالم الحزن ولقيناه بيقولنا.... _ احنا لقينا جثه في نفس عمر ابنكم تقريبا مرميه في منطقه زراعيه ... _ جثه انت بتقول ايه مستحيل يكون ابني صح يا يوسف ابننا مامتش _ اهدي بس يادينا نفهم _ فين الجثه دي يا حضرة الظابط _ فالمشرحه عاوزينكم معانا تتعرفوا عليها..... _ إهدي يا دينا انا حاسس انه مش هيكون هو .... طلعنا عالمشرحه وبدأوا يفتحوا التلاجه الي فيها الولد وانا سامعه ض*بات قلبي وهو بيدق ..... اول ما الولد خرج منها .... _ الحمد لله دا مش سليم ولا حتي في شبه منه _ طيب الحمد لله.... كده فالغالب ابنك عايش وقاعد مع حد ومش فالشارع احنا برضوا هنكثف تحرياتنا عشان نعرف هو فين خدني يوسف وخرجنا من المستشفي وطلعنا علي بيت ماما وطلب مني ان انا استني عند ماما وهو يكمل تدوير... طلعت وقعدت اصلي وادعي اني الاقي ابني.... _ يارب انا عملت حاجات غلط كتير في حياتي يارب متعاقبنيش ب ابني رجعهولي وانا هتوب عن اي غلط عملته.... جروب كتابات ل ghada saeed خلصت وقعدت شوية اتصلت ب يوسف لقيته مش بيرد وبعدها تليفونه اتقفل .... اليوم عدا ويوسف مظهرش تاني يوم بقيت هتجنن .... تاني يوم بليل لقيت جايلي رساله من بلد اجنبيه ... صدمتني صدمه عمري ... لقيت يوسف متصور مع سليم وبيقولي فالرسالة..... _ متقلقيش علي سليم ابني خلاص معايا وفي حضني سافرت انا وهو هعلمه احسن تعليم وهعيشه احسن عيشه... سليم ميستحقش يعيش مع ام خاينه زيك اوعي تفتكري اني معرفتش ب علاقتك مع احمد صاحب عمري اديني بعتله الشقه اشبعوا ب بعض .... اوعي تفتكري اني ضعيف عشان مفضحتكيش وقولت لحد لا انا عملت كل ده عشان سليم لما يكبر محدش في يوم يقوله انت امك كانت خاينه لكن لو عليكي انتي ولا تفرقي معايا ... كفايا عليكي تعيشي بحرقتك علي ابنك وانك مش هتعرفي تشوفيه تاني .... انا بقالي شهر برتب في اجرائات السفر والشغل هناك ... وكنت بحاول مبينش اي حاجه ليكي والحمد لله نجحت وعملت الي في دماغي.... و اه صحيح متحاوليش ترفعي قواضي عشان مش هتوصلي ل حاجه لأن التسجيلات الي معايا كفيلة تقعدك فالسجن... دي اخر مرة هتعرفي حاجه عني وعن ابني و انتي الي عملتي في نفسك كده إجني بقي الي زرعتيه..... التليفون وقع من ايدي و اغمي عليا ... صحيت و ماما بتفوقني... _ في ايه يا بنتي ايه الي حصل.... لقيت نفسي مش قادره اتكلم و مش حاسه ب جسمي كله جابولي الدكتور... _ للأسف جالها صدمه عصبيه كبيرة سببتلها جلطه... فضلت قاعدة فالسرير سنة كاملة علي ما استوعبت الي حصل فالسنه دي معرفتش حاجه عن ابني ويوسف ... ويوسف لقيته مطلقني غيابي.... حياتي اتشقلبت كلها في لحظه الشيطان لعب في دماغي وخسرني جوزي وابني..... فات عشر سنين وانا زي مانا بشوف صور سليم وهو بيكبر من بعيد ل بعيد بقي راجل وفعلا يوسف كان معيشه احسن عيشه واحسن تعليم انا كل امنيتي دلوقتي ان ربنا يغفرلي ويسامحني وياخدني ل عنده لأني خلاص مبقاش في سبب اعيش عشانه.... انا بشوف في عنيا كل يوم اني ست خاينه محافظتش علي النعمه الي ربنا ادهالي و اديني بدفع التمن دلوقتي . . . . _ ربنا بيسامح يا استاذه ديناوان شاء الله ربنا يجمعكم علي خير . . . . . = وانتي بقي مسافرة رايحه لحد من قرايبكم . . . . _ انا مسافرة لخالتي سوسن الحناوي ساكنه هناك بس معرفش هي فين بالظبط . . . . . . = ايه هو انتي قريبة سوسن مرات سعد يتبع

Free reading for new users

Scan code to download app

App Store Google Play

Facebookexpand_more