إختفاء

إختفاء البارت الخامس عشر

إختفاء

البارت الخامس عشر

بقلم غادة سعيد

_، لو سمحت تعرف الولد الي كان بيجي كل شهر للست الي ساكنه هنا يجبلها حاجات . . . . .

= اه طبعا اعرفه استاذ زين انسان محترم و دايما كان كل شهر بيجي هنا ياخد حاجات من عندي للست الغلبانه دي ربنا يباركله يارب . . . . . .

بس هو راح فين مختفي بقاله فترة مجاش الشهر .ده . . .

_ انا اخته لقيت الرقم ده في اوضته قولت اتصل بيه هو الحقيقة مختفي بقاله ١٥ يوم. . . . .

= زعلتيني عليه والله وكويس انك جيتي للست الغلبانه دي ربنا يجعله في ميزان حسناتك . . . . . . .

خدت زينه الحاجه ودتها للست الغلبانه وباست دماغها وقالتلها ادعيلي بالله عليكي الاقي اخويا . . . . . .

_ ربنا يا بنتي ينور بصيرتك وتلاقيه في اسرع وقت والله ليل نهار بدعيله . . . . . .

مشيت زينه والدموع في عنيها ركبت اتوبيس تروح بيتها وكانت قاعده تعيط ركبت جنبها واحده وشافتها فالحاله دي . . . .

= اهدي بس مالك يا حبيبتي في حد مزعلك . . . . .

_ الحمد لله علي كل حال . . . .

= طيب ممكن اعرف مالك ممكن اقدر اساعدك . . . .

_ بدور علي اخويا مختفي وامي ماتت بحسرتها ومش عارفه اعمل ايه . . . . .

= ان شاء الله هيجي تعرفي انا كمان اختفي في مرة اختفت هي و اسرتها كلها وقعدت ادور لما كنت هموت و ظهروا كلهم فجأه. . . . . . .

_ بجد كانوا فين . . . . .

= بما ان الطريق طويل فا هحكيلك ونتسلي شويه . . . . .

مكنتش اتصور في يوم اني اصحي واتصل ب اختي زي ما متعودة كل يوم والاقيها مش موجوده . . . .

انا اسمي هند وعندي ٢٧ سنة مليش صاحبة فالدنيا غير اختي هالة هي اكبر مني بسنة بس اتجوزت بدري وعندها سارة وسامر اولادها حبايب قلبي دول مش بس اولادها دول اولادي انا كمان انا متعودة كل يوم اول ما افتح عيني اتصل ب هالة اتطمن عليها واشوفها بتعمل ايه ونقعد نتكلم طول اليوم انا بقالي فترة سايبة الشغل وبكلمها اسليها اكبر وقت لحد ما جوزها يجي من الشغل . . . .

كتابات ل ghada saeed

كلمتها كتير ومش بترد اتصلت علي جوزها هو كمان مبيردش حتي الفيس لقيتها اخر مرة فتحته من ٢٤ ساعه يعني بقالها يوم كامل مش قاعدة عالنت اخر مرة اتكلمنا كان امبارح ومكنش في حاجه هي كل الي قالتهولي اقفلي عشان ايمن جه من الشغل بدري معرفش ليه اما اروح اشوفه ومحطتش في دماغي حاجه وقولت لما اكلمها تاني يوم اشوف في ايه واتطمن عليها لكن هاله اختفت ايوة زي مبقولكم كده اختفت هي وجوزها وعيالها بقالي اسبوع معرفش عنهم حاجه وكأن الارض انشقت وبلعتهم مفيش حد يعرف عنهم اي حاجه . . .

بقيت علي طول قاعدة علي باب شقتها انده عليها عشان تفتحلي وانادي علي سارة وسامر علي امل انهم يجروا عليا زي ما كانوا بيعملو ويحضنوني لكن مفيش حاجه بتحصل يعني ايه انا مبقاش ليا حد فالدنيا دي هي الي كانت مهونة عليا حياتي بعد موت بابا وماما ورا بعض ماتوا في نفس الشهر وبقيت عايشة لوحدي وهالة وولادها ماليين عليا حياتي . . . .

وفيوم كنت قاعدة علي باب شقتها كالعادة عمالة اعيط فتحتلي جارتها الي ساكنة قدامها . . .

_ برضو يا بنتي قاعدة نفس قاعدتك دي . . .

= انا مش هتحرك غير لما اشوف اختي هي فين ابوس ايدك قوليلي . . . . .

_ منا قولتلك ميت مرة انا مكنتش هنا ومعرفش هي فين ربنا يرجعهالك بالسلامه

= بس انا حاسه اني هموت لو ملقيتهاش .....

_ هتلاقيها انتي ادعي ربنا انك توصليلها وهتلاقيها . . .

=؟ انتي ليه مبلغتيش البوليس

_ بلغت ولسه ماشيين فالإجرائات . . .

هروحلهم دلوقتي اشوفهم اتأخروا ليه . ...

سيبتها ورحت قسم الشرطه عشان اشوفهم عملوا ايه ودخلت لرئيس المباحث . . . .

_ حضرتك انا بقالي اسبوع مبلغه انا هيجرالي حاجه انا مبانمش ومباكلش انا عاوزه قلبي يرتاح واعرف اختي فين

= احنا والله عاملين الي علينا وانتي عارفه الاجرائات مش سهلة بس انا مش عارف اقولك ايه اختفوا فجأه ملهمش آثر حتي مفيش كاميرات تحت وجنب بيتهم عشان نعرف راحوا فين والجيران كلهم بينكروا انهم شافوهم اصلا اعمل ايه اكتر من الي عملته

_ تعالا معايا ن**ر الشقه نشوف فيها ايه

= مينفعش لأن عشان ا**ر الشقه لازم امر من النيابه انا مقدرش اعمل حاجه من غير مرجعلهم ممكن اتجازي فيها . . ..

_ انسي انك ظابط شرطه انا مليش اخوات غيرها ولا ليا اب ولا ام ساعدني اعتبرني اختك انا مليش حد فالدنيا غير ربنا ابوس ايدك محتاجه مساعدتك . . . .

= سيبيلي رقمك يا هند وهكلمك لما اخلص شغل مع انك شكلك هتجبيلي مشكله بس انا اول مرة حد يصعب عليا مع انهم بيقولولي اني معنديش قلب ومبحسش

_ مفيش حد معندوش قلب يا حضرة الظابط حتي لو الانسان جاحد فا اكيد هيبقي عنده قلب . . .

= تقدري تقوليلي يا عا** بلاش القاب ومسميات ملهاش لازمه

_ هستني تليفونك اوعي تخلف بوعدك

= انا موعدتش انا قولتلك هحاول اساعدك ولو قدرت اعمل حاجه هتصل بيكي

_ حاضر

مشيت من عنده وانا عاملة زي الغريق الي متعلق بقشاية وحطيت كل املي عليه ويا يطلع كويس ويساعدني او يطلع ندل ويكون بيضحك عليا ولا هيتصل ولا حاجه . ... .

روحت بيتي وقعدت عالسرير ومسكت التليفون مستنيه اي حد يرن عليا لكن فضلت عالوضع ده لبعد الفجر قعدت اعيط اني وثقت فيه وهو خيب ظني وفي وسط منا بعيط غلبني النوم

وحلمت ب اختي وعيالها انهم في مكان ضلمه وحاضنين بعض وخايفين اوي صحين من نص الحلم علي رنه تليفون من رقم غريب كانت الساعه ٥ الفجر رديت وانا مخضوضة اوي

_ الو

= ايه ياهند انتي نمتي ونسيتي اني هتصل بيكي ولا ايه

_ انا قولت انك خليت بيا ومش هتتصل

= انا قولتلك انا هكلمك بعد الشغل وانا بخلص شغل دلوقتي

بدأت اعيط واقوله

_ اختي مش كويسه واقعه في مصيبه هي وعيالها انا حلمت بيها

= اهدي بس ياهند عشان افهم كلامك بتقولي حلمتي بيها اكيد حلمتي بيها عشان كنتي نايمه بتفكري فيها فا عقلك الباطن خلاكي تحلمي بيها . . .

ومحلمتيش ب احمد جوزها معاهم . . .

_ وانت عرفت منين ان جوزها اسمه احمد

= انتي الي قولتيلي لما جيتي تعملي المحضر ان جوزها اسمه احمد وادتيني بيناته كمان

_ اه بس انا مش فاكرة ممكن اكون نسيت من التوتر الي انا فيه بقالي كام يوم مش باكل ولا بنام

= المهم مش ده موضوعنا دلوقتي انتي ناوية تعملي ايه بالظبط انا ممكن مساعدتي ليكي تجيبلي مشكلة في شغلي بس مش عارف ليه حاسس اني عاوز اساعدك مع ان دي مش من طبيعتي وانا كده بعرض شغلي للخطر . . .

_ عا** انا عاوزاك تيجي معايا بيت اختي ن**ر الشقه عاوزه ادخل اكيد هوصل لحاجه جوة توصلني ليها . . . .

= طيب هن**ر الباب ازاي والجيران لو سألوا

_ هما مالهم دي اختي وانت ظابط يعني ميقدروش يتكلموا نص كلمه

= طيب هنروح امتي انا لسه يادوبك راجع من شغل طويل وتعبان جدا انام ساعتين يكون النهار طلع ونتقابل علي طول

_ ساعتين بالظبط وهنزل من البيت واكلمك انا اسفه والله اني عملالك إزعاج

= لا متقوليش كده انا نفسي تلاقي اختك عشان انتي حالتك صعبة جدا

_ يارب الشقة توصلنا لحاجه . . .

قفلت معاه وفضلت ماسكة التليفيون بعد الدقايق والثواني عشان انزل من البيت والساعتين عدوا علي انهم سنتين لبست وانا نازلة عالسلم طلعت تليفوني اتصل ب عا** لقيت رد عليا وفي مكان هادي كأنه لسه فلبيت

_ انت كل ده لسه منزلتش من بيتك . . .

فجأه لقيته واقف بالعربية تحت بيتي اتفاجأت جدا

_ انت جبت عنواني منين

= من بطاقتك مش محتاجه ذكاء اركبي عشان منتأخرش واخلص و الحق شغلي يلا

ركبت معاه ورحنا علي عمارة اختي واحنا طالعين عالسلم لقينا جارتها طالعه معانا بتبصلي ب استغراب

_ اهلا ياهند ولتي لحاجه بخصوص هالة

= لا لسه انا حتي جايبة معايا حضرة الظابط هيعمل معاينة للشقه

لقيت وشها اتخ*ف لما سمعت سيرة الظابط وبتقولي ماشي ابقي طمنيني وطلعت بسرعه علي شقتها وقفلت الباب معرفش ليه شكيت فيها وممكن اكون انا غلط بس لازم اشك في اي حد عشان فيه حاجه غامضة فالموضوع . . . . .

وصلنا الشقة وعا** بدأ ي**ر الباب كان جايب معاه شكوش وعامل حسابه والناس بدأت تطلع عالصوت لكن انا فهمتهم انه ظابط وهيعمل معاينه للشقة واخيرا الباب اتفتح . . .

دخلنا الشقة لقيناها نضيفه زي الفل كأنها شقه عروسه السراير نضيفه والغسيل كله مغسول مفيش اي حاجه مش في مكانها مفيش اي شيء غريب غير بس ان تليفونها هي وجوزها موجود وتابلت الولاد مش واخدين اي تليفونات معاهم ومفيش اي حاجه تدل هما فين

عا** خد التليفونات يفرغها عشان يحاول يوصل لحاجه وانا قعدت الف فالشقه يمكن الاقي اي حاجه . .

_ عا** تعالي شوف انا لقيت ايه

= لقيتي ايه ياهند

_ مش ده منوم برضو ايه جابو هنا اختي وجوزها عمري مسمعت انهم بياخدو منوم اكيد ده هيوصلنا لحاجه

= هو فعلا كان هيوصلنا بس بعد ما مسكتيه خلاص مش هيوصلنا لأنك حطيتي ب**اتك عليه خلاص

لوسمحتي متلمسيش اي حاجه وسيبيني احاول اوصل لأي دليل

_ حاضر انا اسفه والله مخدتش بالي المهم تعالي احنا نقفل الشقه وتاخد التليفونات دي تحاول توصل بيها لحاجه

= طيب يلا بينا

خدني بالعربية عشان يوصلني عالبيت

_ انا تعبتك اوي معايا مش عارفه اشكرك ازاي

= مفيش تعب ولا حاجه يارب بس نلاقي اختك وتطمني

_ يارب

سيبته وطلعت فوق احاول ارتاح شوية لحد ما يفرغ التليفونات ويتصل بيا قعدت ادعي يوصل ل اي معلومه

فجأه تليفوني جاله رساله من رقم غريب مش رقم مصري الرساله بتقول . . .

متدوريش كتير وانسي هما كويسين والرقم ده مش هيوصلك لحاجه . . . .

اتصلت ب عا** بسرعه

_ عا** انا لازم اشوفك دلوقتي انا وصلتلي رساله من رقم غريب عاوزاك تشوفها

= انا كمان لسه كنت هتصل بيكي تعاليلي دلوقتي حالا في حاجه بخصوص التليفونات وصلتلها . . .

يتبع