إختفاء البارت الرابع عشر
1491 Words
إختفاء
البارت الرابع عشر
بقلم / غادة سعيد
لقت واحد بيرد عليها . . . .
_ الو مين معايا . . . .
= هو ده منزل زين لو سمحتي . . . . .
_ ايوة مين معايا . . . . . . .
= انا مديره فالشغل انا كنت عاوز اسأل زين بقاله ١٥ يوم مش بيجي الشغل ليه عندكم مشكله ولا حاجه . . . . . . .
_ الحقيقه انا مش عارفه اقول لحضرتك ايه بس زين مختفي من ١٥ يوم و مش لاقينه اختفي فجأه وقلبنا الدنيا عليه ومفيش فايده . . . . .
= ازاي الكلام ده اختفي و راح فين دا كان هنا اخر مرة وكان مبسوط جدا اول مرة اشوفه فرحان كده وكان بيكلم حد فالتليفون . . . . . .
_ كان بيكلم واحد ولا واحده . . . .. .
= انا دخلت عليه لقيته بيتكلم فالتليفون قولتله مش هنشوف شغلنا بقي راح قايل للي بيكلمه . . . . .
طب اقفل دلوقتي وهتصل بيك لما اخلص يعني كان واحد مش واحده . . . . . . زين كان ملتزم جدا مش بتاع كلام مع بنات . . . . . طمنيني علي حالتكم فالبيت . . . . .
_ والله البيت مبقاش فيه حد غيري والدتي اتوفت بعد اسبوع من غياب زين وحالنا اتقلب . . . . .
= لا حول ولا قوة الا بالله انا اسف والله مكنتش اعرف الكلام ده اعذريني لو احتاجتي اي حاجه يا بنتي انا موجود في اي وقت و اديني عنوانكم كده انا عاوز ازورك واتكلم معاكي شويه. . . . . .
_ حاضر هديهولك . . . . . . وادته العنوان . . . .
وهنا اتأكدت ان زين كان مع واحد مش واحده وشكت في كلام صاحبه لأن كل الي يتكلم عن زين يشهدله بالاخلاق . . . . .
و احمد صاحبه هو الوحيد الي كلامه مختلف . . . ..
معقوله زين فعلا مش حاكي الموضوع ده لحد غير احمد و هو فعلا اقرب صاحب ليه زي ما بيقول ولا احمد في دماغه حاجه تانيه . . . . . .
مسكت تليفونها و اتصلت ب احمد تشوفه هيوديها لصاحبهم علي ده امتي عشان تنام شويه وتنزل ولا تستني ل تاني يوم . .
_ الو ازيك يا احمد معلش انا عملالك إزعاج . . . . .
= لا ولا يهمك اؤمري . . . .
_ انا كنت عاوزه اسأل هتوديني امتي ل صاحبكم علي . . . .
= صدقيني ملوش لزوم الي بتعمليه ده خالص مانتي قابلتي حسام وصلتي ل حاجه منه . . . . اكيد لو يعرفوا حاجه هاجه علي طول و اقولك . . . ..
_ معلش ريحني بس وخليني اعرف منه كام حاجه . . . .. . . .
= خلاص زي ما تحبي هنتقابل بكرة الصبح لأن النهارده انا مش فاضي خالص ورايا كام مشوار . . . .. . . .
قفلت زينه معاه و دخلت اوضه زين فتحت دولابه و قعدت تعيط وتقلب فالدولاب جايز توصل ل حاجه . . . . . .
قعدت تفتش في جيوب هدومه كلها لكن مش لاقيه حاجه . . . .
فتحت الادراج و كان فيه درج مقفول بمفتاح قعدت تدور عالمفتاح تشوفه فين عشان حاسه ان الدرج ده هيوصلها ل حاجه . . . . . . .
قلبت الدنيا عالمفتاح مكنتش لقياه وقالت انه اكيد في ميداليه زين بتاعه مفاتيحه الي بينزل بيها . . . . .
ومعرفتش تفتحه خالص ولا حتي ت**ره . . . . . . .
كلمت شريف عشان اتصل بيها كذا مره و هي مردتش عليه . . .
_ الو ايوة يا شريف معلش انا مش سامعه التليفون . . . . . .
= لا يا زينه انتي سمعاه ومش عاوزه تردي انتي ليه بتتهربي مني . . . . . . .
_ وانا هتهرب منك ليه يعني كل الموضوع اني اعصابي تعبانه شويه وعاوزه ارتاح . . . . . . .
= يعني انتي منزلتيش من البيت النهارده خالص . . . . .
_ لا نزلت اتمشيت شويه . . . .
= و مقابلتيش اي حد تحت . . . .
_ لا مقابلتش . . . . هو فيه ايه يا شريف انت بتفتح معايا تحقيق ولا ايه . . .. . .
= لا مش تحقيق ولا حاجه بس انا سبق وقولتلك انك لازم تشاركيني في اي حاجه بتعمليها لأنك بتتصرفي من دماغك وبتعملي حاجات غلط احنا من اول الموضوع ده و احنا مع بعض وانتي برضو بتتصرفي من دماغك و رحتي قابلتي اصحاب اخوكي . . . . .
_ في ايه يا شريف انت بتراقبني ولا ايه . . . . . .
= ولا براقبك ولا حاجه دنا شوفتك صدفه وانا في مأموريه واقفه مع احمد ده وواحد تاني . . . . ..
حاولت اكلمك وانتي مردتيش مع انك كنتي ماسكه التليفون وشايفه ان انا الي بتصل . . . . .
_ معلش انا كنت محتاجه افكر لوحدي شويه ومش عاوزاك تدخل في الي انا بعمله خالص . . . . .
= زي ما تحبي بس ا عي تثقي في اي حد الناس بقت وحشه جدا . . . . انا شغال عالقضيه زي مانا و لو فيه حاجه جديده هبلغك وانا اسف اني اتدخلت في حياتك من الاول انا كنت فاكر اني حد مهم عندك زي مانتي حد مهم عندي . . . ..
وعالعموم انا موجود في اي وقت لو احتاجتيني هتلاقيني . . .
قفلت زينه معاه واتضايقت من الكلام الي زي السم الي قالتهوله لكن فكرت في كلامه وقالت انها لازم تعمل بيه وهو فعلا عنده حق في كل كلمه قالها . . . . . . .
الليل جه وكانت قاعدة وحيده في بيتها مش عارفه تعمل ايه . . . . . قعدت تحاول تفتح الدرج وجابت سكينه وبدأت ت**ره
بعد نص ساعه اتفتح و لقت زين اخوها شايل فلوس في ظرف وكاتب عالظرف من بره ل جهاز زينه . . . .
وظرف تاني مكتوب عليه ل علاج امي . . . . .
و ظرف تالت ل ايجار البيت . . . . .
كان شايلهم ياعيني و مش فاكر نفسه ب اي حاجة خالص وكان فيه تحت ورقه مكتوب فيها رقم من غير اسم خالص . . . . .
خدت الرقم و اتصلت بيه لقت واحده بترد . . . . .
الو . . . .
_ ايوة مين حضرتك . . . .
= انا لقيت الرقم ده هنا عندي هو انتي تعرفي حد اسمه زين . . .. . . . .
_ ايوة طبعا اعرفه كويس هو فين صحيح مجاليش ليه الشهر ده . . . . . .
= مجالكيش فين . . . . . بصي انا زينه اخته وعاوزه اقابلك ضروري ممكن تديني العنوان بتاعك . . . . . . .
_ ايوة طبعا اتفضلي تنوري . . . . .
خدت العنوان وهي متعرفش مين دي ولا هتروحلها فين و ايه علاقتها ب زين قعدت تفكر انها ممكن تكون البنت الي اسمها حبيبة دي الي احمد قال عليها . . . . .
كانت عاوزه تنزل بس الوقت متأخر جدا عليها مينفعش تنزل فالوقت ده . . . . .
فا قررت هتنام وتنزل الصبح بدري وخلاص . . . . .
نامت و صحيت الصبح بدري صلت وقعدت تدعي انها توصل ل حاجه النهارده . . . . .
وصلت عالمكان ده الي فيه البنت كان عبارة عن منطقه شعبية جدا وعمارات قديمه والبنت كانت قاعدة في اوضه واتصدمت زينه لما لقت رجل البنت مقطوعه . . . .
_ سلام عليكم ازيك انا زينه اخت زين . . . . . .
= هو مجاليش ليه الشهر ده انا مش لاقيه لقمه آكلها . . . . .
_ هو انتي تعرفيه منين . . . . . .
= استاذ زين كتر خيره كل شهر بيلملي فلوس من الناس عنده فالشغل و يجي يجبهالي و يدفعلي الايجار ويجبلي اكل جوزي منه لله بعد ما عملت الحادثه بتاعه رجلي دي خد العيال واتجوز واحده تانيه و رموني هو واهلي استاذ زين ربنا يباركله كان متكفل بيا . . . . . .
انا بقالي كتير بتصل بيه مش بيرد عليا خالص انا قاعده من غير اكل الجيران كل واحد بيديلي اكل كل يوم وصاحب الاوضه عاوز فلوسه. . . . . .. .
_ زين مختفي من ١٥ يوم ومش لاقيينه انا اخته وجيالك قولت يمكن تعرفي اي حاجه عنه بس جايز ربنا بعتني ليكي عشان انتي فعلا محتاجه مساعده . . . . . . .
= لا حول ولا قوة الا بالله اختفي ازاي و امتي استاذ زين محترم جدا ربنا يرجعه ب الف سلامه . . . . . .
_ متشيليش هم انا هروح ادفع الايجار و هجبلك كل الي انتي محتجاه زي ما كان زين موجود بالظبط . . . . . .
= إلهي ربنا يكرمك يا بنتي يارب . . . . . .
راحت زينه عند السوبر ماركت تشتري شويه حاجات وهناك سألت بتاع السوبر ماركت وقالتله . . . . . .
يتبع
كتابات ل ghadasaeed
- Writer
