إختفاء البارت السادس عشر

2669 Words

إختفاء البارت السادس عشر بقلم / غادة سعيد لبست ونزلت بسرعه واول ما وصلت القسم اتصلت ب عا** اقوله اني وصلت خوفت ادخل جوة ويحصله مشاكل في شغله لأنه بيساعدني بعيد عن الشغل _ الو ايوة يا عا** انا برة ادخل ولا استناك برة = لا خليكي برة وانا هطلعلك . . . . وقفت برة استنيته وكنت عماله افكر ياترا لقي ايه فالتليفون ياترا وصل ل مكانهم ولا ايه . . . لقيته خرجلي بره . . . _ ايه ياعا** وصلت لحاجه ولا ايه = هو جوز اختك ده بيشتغل في ايه بالظبط _ كان بيقول انه بيشتغل في شركه اتصالات كول سنتر تقريبا بس منعرفش هو شغال في شركه ايه ليه بتسأل انت لقيت حاجه = انا لقيت معظم الي في تليفونه رسايل عالواتس من ارقام غريبه وكلام مش مفهوم تقريبا دي لغه هما عاملينها عشان محدش يفهمهم واخر حاجه باعتله الرقم ده . .. . _ وريني كده .. . ايه دا هو ده نفس الرقم الي باعتلي الرساله اهي حتي بص . . . . = بس الي انا اكتشفته ان الرقم ده مش موجود في اي دولة يعني هو رقم وهمي بيجبوه عن طريق النت وللأسف منعرفش نوصل هما في اي دولة بالظبط . . . . _ انا خايفه يكون حصلهم حاجة انا هيجرالي حاجه لو اختي وعيالها جرالهم حاجه هعيش لمين انا = متقلقيش طالما مفيش جثث يبقي بنسبة ٩٠ فالميه محصلهمش اي حاجه ان شاء الله خلي املك في ربنا كبير اوي كتابات ل ghadasaeed هو جوز اختك ده ملهوش اهل في باباه ومامته والناس دي _ باباه ازاي تاهت عني الفكرة دي مامته ميته وباباه غريب كده = غريب ازاي _ لما تشوفه هتعرف بنفسك انا لازم اروح ل باباه هو ده ال هيساعدنا = هخلص شغل وارنلك تنزلي نروحله _ لا انا مش عاوزه اتعبك انا هروح لوحدي وهقولك عملت ايه = لا مش هتروحي لوحدك انا حطيت نفسي فالقصه دي ومش همشي غير لما اخلصها متروحيش في اي مكان من غيري هخلص شغل واجيلك تحت البيت نروح سوا . . . . روحت البيت وانا بفكر اروح لوحدي ولا استناه لكن لقيته بيتصل بيا ويقولي _ هند انا استأذنت من الشغل وجاي اخدك نروح بدري مش معقوله هنروح للراجل بعد الفجر = بجد انا مش عارفه اقولك ايه والله انا تعباك معايا جدا هلبس وانزل علي طول لبست هدومي ونزلت لقيته واقفلي تحت _ ايه بقي عارفه المكان ولا هتوهينا = عرفاه بالشكل كده متقلقش مش هتوهك . . . طلعنا عالمكان هو في منطقه شعبية وعمارة قديمة جدا _ انتي متأكده من البيت = ايوة طبعا خبطنا عالباب وفتحلنا باباه _ ازيك ياعمو انا هند اخت هالة مرات ابنك = هند مين وهالة مين وابني مين انا معنديش عيال اصلا _ والله انا جتلك هنا قبل كده مع اختي وابنك وكنت بتتكلم علي اساس انه ابنك هو فين انا مش لاقية اختي = واضح انك جاية تهزري بقي بقولك انا معنديش عيال اقولك كمان انا اعزب وعمري متجوزت قبل كده تحبو تشربو حاجه ولا ادخل اكمل نوم : يعني حضرتك دلوقتي بتنكر ان عندك ولاد وكمان مش عاوز تعرفنا طريق ابنك انا ظابط وممكن اود*ك في ستين داهية = بقولك انا مفيش عندي عيال اسأل اي حد عليا ويلا من هنا من غير مطرود ظابط علي نفسك تجيب اذن نيابه وتيجي انتو كده جايين تتهجموا عليا . . . وخرجنا وقفل الباب . . . بقيت هتجنن _ والله العظيم هو دا ابوه هو ده الي كان بيجيبوا وخدنا عنده مرتين اكيد في حاجه غلط احنا لازم نخبط عالجيران نسألهم عليه. . . خبطنا عالشقة الي جنبهم فتحتلنا واحده _ خير انتو مين وعاوزين ايه = الراجل الي ساكن فالشقه دي حضرتك تعرفيه كويس. ابوس ايدك اديني اي معلومه انا اختي وعيالها وجوزها اختفوا فجأه والمفروض انو ابو جوزها ودا املي الوحيد _ اهدي بس افهم منك كويس تعالوا اتفضلو وانا هفهمكم . . . عم اسماعيل ده عنده زهايمر وبينسي كل حاجه في لحظه يعني لو خبطتو عليه تاني مش هيفتكركم وهو فعلا معندوش اولاد بس كان فيه واحد بيجي يجبله اكل ومعتبره ابنه دا غالبا جوز اختك الي بتقولي عليه لكن هو فعلا ناسيه ومش ابنه _ دا كان مفهمنا انه ابوه واسمه صلاح والراجل كان بيكلمنا علي اساس انه اسمه صلاح = مهو مش فاكر اسمه ولا حاجه بيتعامل ب الي الناس بتنده بيه وخلاص لكن هو راجل غلبان وميعرفش حاجه تعالوا حتي اوريكم بنفسكم لو مش مصدقيين خدتنا وخبطت عليه . . . _ ازيك ياعم اسماعيل = اهلا يابنتي _ فاكرني = لا انا اول مرة اشوفك _ اصل انا معايا ضيوف وكانو عاوزيين يتعرفوا عليك ويتكلموا معاك شوية = اتفضلوا طبعا تنوروا ولقيناه بيدخلنا ولا كأنه كان لسه طاردنا من البيت _ ادخلوا انتو بقي جايز تلاقوا حاجه توصلكم للي عاوزينه ربنا معاكم = انا متشكرة اوي ليكي بجد دخلنا عنده وانا قعدت اتكلم معاه وعا** طلب يدخل الحمام عشان يحاول يدور علي اي حاجه فجأه لقيت عا** بيناديني _ هند تعالي بسرعه عاوزك اتخضيت وجريت اشوف في ايه _ في ايه يا عا** لقيت حاجة = تليفون الراجل ده عليه نفس الرقم الي بعتلك الرسالة وباعتلة منه رسايل بس مكلمهوش حتي الراجل مفتحش الرسايل . . . _ طيب ينفع تتصل بالرقم ده نشوف مين هيرد علينا جتيز نوصل لحاجه = ده رقم مشفر مينفعش نتصل بيه اصلا مش هيوصلنا لحاجه . . . . _ طيب هنعمل ايه ناخد تليفون الراجل ونمشي يمكن نوصل لحاجه : انتو واقفين هنا تعملوا ايه في بيتي انتوا مين اصلا = احنا قرايب الست الي ساكنة جنبك وجينا عشان نزورك ونتكلم معاك : ست مين انا محدش ساكن جنبي خدنا التليفون وطلعنا برة نزلنا وقفنا تحت نقلب فالتليفون يمكن نوصل لحاجه لقينا رسايل غريبه من نفس الرقم فتحنا رساله لقيناها بتقول _ اوعي تزعل مني عشان مبقتش اجيلك انا عندي ظروف صعبة اوي وربنا يجمعنا علي خير . . . . = معناها ايه الرسالة دي يا عا** _ والله يا هند انا معرفش هي مش بتدل علي اي حاجه خالص هو جوز اختك كان شغال ايه بالظبط . . . كتابات ل ghada saeed = كان قايلنا انه شغال في شركة مقاولات مع الكول سنتر انا نسيت اقولك وكانت حالتهم ميسورة _ تعرفي اسم الشركه دي = اه واعرف مكانها كمان ازاي مجاش في بالي اني اروح اسأل هناك وانتو ايه دوركم مرحتوش سألتو ليه _ اكيد كنا هنروح الاجرائات دي بتاخد وقت خدنا وطلعنا عالشركه وطلبنا اننا نقابل المدير دخلونا بسرعه عشان افتكرونا اننا جايين نتفق علي شغل _ لو سمحت احناوكنا جايين نسأل علي واحد بيشتغل هنا اسمه احمد صلاح ودي صورته . . . = الحقيقة انا معرفش مين ده انا اول مرة اشوفه احنا عيلة في بعضنا ومش بنشغل حد غريب وسطنا حتي اسألوا اي حد فالشارع هيقولكم نفس الكلام دماغي كانت هتنفجر من التفكير يعني ايه احمد كان بيكذب علينا اكيد عمل حاجه في اختي وعيالها هيكونوا راحوا فين = اهدي يا هند متخافيش طالما مفيش جثث يبقي مفيش حاجه حصلتلهم متقلقيش . . . . مشينا وراح عشان يصلني عالبيت وكان بيهون عليا طول الطريق وانا عماله اعيط _ انتي وشك اصفر اوي شكلك مأكلتيش بقالك مدة = اكل ازاي وانا معرفش اختي وعيالها فين وحصلهم ايه وعايشيين ولا ميتيين انا بموت كل يوم مش باكل ولابنام ولا بعمل اي حاجه خالص عاوزه بس اي خبر يطمني ويريح قلبي عليهم _ طيب ممكن اعزمك عالغدا = لا يا عا** معلش مش هقدر آكل _ لو مأكلتيش مش هتعرفي تلاقي اختك انتي كده بتموتي نفسي بالبطيء ومحدش هينفعك لازم تاكلي عشان تقفي علي رجلك . . .. خدني ورحنا علي مطعم وطلب اكل بس انا مكنتش قادرة آكل لكن هو غصب عليا وقعد يتكلم معايا في مواضيع تانية عشان يخرجني من الي انا فيه _ انتي مرتبطه بقي او مخطوبه = لا _ غريبة يعني واحدة حلوة زيك ليه متجوزتش لحد دلوقتي = نصيب ملقتش حد مناسب يشدني عشان اوافق بيه كلهم طمعانين في بيت اهلي وعاوزين يسكنوا فيه وانا مش هتجوز راجل انا الي اصرف عليه لازم هو كمان يقدرني ويحترمني _ عندك حق الشباب اليومين دول بقي سلوكهم غريب = وانتي بقي عندك اولاد _ ومين قالك ان انا متجوز انا شغلي مخليني مش فاضي حتي ارتبط انا بنام فاليوم ساعتين تلاته بالكتير اوي هتعرف علي واحده امتي واخطب واتجوز = انا اسفه والله اناوحاسه اني معطلاك علي شغلك واني مبهدلاك معايا وانت ملكش اي ذنب في الي بيحصل _ لا ولا يهمك انا حاسس اني هقدر اساعدك وعمري ما هبخل علي حد بمساعدتي دا واجبي قوليلي بقي عجبك الاكل انا طالبهولك علي زوقي = اه حلو اوي شكرا ليه فجأه تليفون عا** رن والصوت كان عالي وسمعت المكالمه _ انت فين يا عا** الدنيا هنا مقلوبة لقوا جثث جنبنا هنا متولع فيهم ناس كبيرة واطفال تعالا بسرعه الدنيا مقلوبة وبيدورو عليك = انا لازم امشي دلوقتي .. . _ انا سمعت المكالمه انا هاجي معاك اكيد دي جثث اختي وعيالها = بعد الشر متقوليش كده اكيد حد تاني _ بردو هاجي معاك عشان لو هما انا هرتاح اعرف مصيرهم ايه ومقعدش اموت كل يوم . . = ماشي تعالي يا هند ان شاء الله خير ركبت العربيه معاه وانا جوايا حاسه اني هوصل لحاجه النهاردة وصلنا للمكان وهناك كانت الصدمة وصلنا للمكان الي كان فيه الحادثة و عا** مكنش يعرف اي معلومات عن الضحايا لقيناها حادثه ب*عه ماس كربائي حرق بيت مكن من ٤ أسر وكلهم اتوفوا محروقين . . . منظرهم كان فظيع جثث متفحمه ناس كبار وأطفال . . . علي أد ما كنت فرحانه انهم مش اختي وعيالها علي أد مازعلت علي الي حصلهم ماتوا موته فظيعه ربنا ميكتبها علي حد يارب . . . . فجأه وانا واقفه مع عا** جاتلي رساله من رقم مش معرف بيتقال فيها _ متدوريش علينا كتير احنا كويسين . . . . وطبعا معرفناش نوصل ل أي حاجة ولا معلومه واحده جالي حالة يأس مبقتش عارفه اعمل ايه عدا اسبوعين وانا مش عارفه اوصل ل أي حاجاة خالص ملقتش حاجه اعملها غير اني اروح عند بيت اختي افضل واقفه عند باب الشقه . . . انادي عليها يمكن حد يرد عليا او يسمعني فجأه لقيت اتنين رجاله طول ب عرض طالعين العمارة بيبصوا عليا اوي وعنيهم عالشقه . . . . _ هو حضرتك ساكنة هنا = لا اختي كانت ساكنة هنا ومش لقياها _ انتو مين = احنا اصدقاء جوز اختك وكنا عاوزينه ضروري انتي متعرفيش مكانهم او حد فيهم كلمك قالك راحوا فين _ ياريت كانو كلموني بدل مانا بموت كل يوم انا معرفش عنهم حاجة خالص من ساعة ما اختفوا ولا هي ولا جوزها ولا عيالها . . . بس انا اول مرة اشوفكم انتو مين بالظبط راحوا بصوا لبعض وسابوني ومشيوا . . . . . قلبي مرتحش للأتنين دول زي ميكون وراهم حاجة جريت علي شباك السلم وطلعت تليفوني صورتهم وقربت الصورة علي اد ما اقدر يمكن الصور دي تنفع ب حاجه ولقيتهم ركبوا عربية سودة وركنوا في اخر الشارع علي جنب وفضلوا قاعدين فالعربية . . كلمت عا** فالتليفون وحكيتله علي الي حصل _ يعني مش ممكن يكونوا زمايل جوز اختك من زمان مثلا = لا مستحيل دول شكلهم غريب اول مرة اشوفهم واسلوبهم غريب انا حتي صورتهم عشان أوريك الصورة _ طب كويس روحي انتي دلوقتي وانا هعدي عليكي بعد الشغل اتكلم معاكي = بس انا خايفه ياعا** اوي دول راكنين تحت البيت وانا مش متطمنه حاساهم وراهم مصيبه . . . _ طيب متتحركيش من مكانك انا جايلك دلوقتي . . . . . في خلال عشر دقايق كان جالي واول ما شافوا عا** جاي بعربية البو** طلعوا يجروا بعربيتهم كأنهم شافو عفريت جه وقفلي تحت العمارة ونزلتله _ شوفت يا عا** اول ما شافوك جريوا بالعربية ازاي دول اكيد وراهم مصيبة = وريني صورهم كده طلعتله الصور من التليفون واول ما شافاها راح باصص جامد وحصلتله حالة زهول _ انتي اتكلمتي مع دول انتي متأكده = اه والله انا مصوراهم بنفسي هو في اي انت تعرفهم . . . _ تعالي معايا بسرعه هوريكي صور ليهم تتأكدي هما دول ولا لا رحت معاه القسم واول ما وراني الصور _ ايوة هما دول انا متأكده وقالولي انهم اصحاب جوز اختي = انتي عارفه مين دول _ مين = دول من اخطر الإرهابيين الي بيهددو البلد عملوا كمية عمليات ارهابية متتعدش _ يعني افهم من كده ان جوز اختي إرهابي = الله اعلم _ مهو بيقولوا انهم اصحابه هيكون ايه غير كده = متظلميش حد _ مظلمش حد ايه دا اكيد خ*ف اختي وعيالها منه لله انا اختي لو مظهرتش انا هموت نفسي . . . . . فجأه عا** جاله مكالمة تليفون طلع برة يرد عليها وجه قالي انا عاوز اطلب منك طلب . . . . = طلب ايه _ انا عاوزك تروحي لوحدك عند بيتك اختك وتعملي نفسك بتجيبي حاجه ل اختك من الشقه ولو لقيتي الاتنين دول وسألوكي عليهم تاني تقوليلهم انك قدرتي توصلي ل مكانهم وتديهم العنوان الي فالورقه دي. . . = وده هيفيدنا في ايه ان انا اعمل كده انت كده ممكن تعرض حياتي للخطر _ ما تقلقيش خالص انا هابقى براقب الموضوع ما حدش يقدر يعمل لك حاجه طول ما انا عايش لو عاوزه اختك ترجعلك لازم تعملي اللي بقولك عليه بالفعل رحت المكان ولقيتهم واقفين تحت بس مدتهمش اهتمام عملت نفسي طالعه العماره لقيتهم بيوقفوني _ طمنينا قدرتي توصلي لمكانهم = اه الحمد لله هما واخدين شقه مكانها مش بعيده عن هنا وادوني العنوان _ طيب ممكن نعرف العنوان عشان احنا عايزينه في حاجه ضروري = ايوه طبعا اتفضل طلعت الورقه اللي مكتوب فيها العنوان من شنطتي واديتها له خدوا الورقه وركبوا عربيتهم ومشيوا اول ما مشيت كان عا** مستنيني دي وركبت معاه وسألته انت ناوي تعمل ايه بالظبط _ المكان الي هما رايحينه دلوقتي فيه قوة هتقبض عليهم ساعتها هتعرفي كل حاجة = اعرف ايه _ هتعرفي كل حاجه في وقتها . . . فضلنا قاعدين في العربيه اكثر من ساعه مستنيين مكالمه تليفون لحد ما عا** تليفونه رن واول ما رد راح ضاحك _ مش قولتلك انا سجنهم علي ايدي انا = ايه يا عا** اتمسكوا _ ايوة والفضل بعد ربنا يرجعلك هعمل مكالمة تليفون دلوقتي مهمه _ الو ايوة يا احمد باشا كل شيء بقي تمام تقدر ترجع في اي وقت = انا بتكلم مين واحمد باشا مين _ احمد باشا ده جوز اختك ظابط في أمن الدولة وكان مدسوس وسط مجموعة إرهابيين ولما كشفوا أمره كانوا عاوزيين يقتلوه وبمراقبتنا لتليفونتهم عرفنا انهم كشفوه فا خبيناه عن الانظار لحد ما نقبض عليهم . . . = وانت كنت عارف كل ده وسايبني ادور عليهم واحمد ليه ماقلناش طب كنت بتيجي تدور معايا ليه _ كنتي صعبانه عليا وكنت عاوز اطمنك وفي نفس الوقت مكنش ينفع احكيلك غير لما المهمة تخلص . . . = طيب هما فين دلوقتي _ زمانهم جايين عدا نص ساعه ولقيت اختي وعيالها وجوزها جايين دموعي بقت تنزل لوحدها جريت عليه وحضنتها _ بقي كده يا هالة كده تعملي فيا كده انا كنت هموت عليكم = سامحيني يا هند غصب عني والله مكنش في ب ايدي حاجه كنت خايفه اكلمك يعرفوا المكان الي قاعدين فيه انا اسفة ياهند انا كنت بموت زيك كل يوم ومستنيه ربنا يف*جها من عنده . . كتابات ل ghada saeed _ انتو وحشتوني اوي انا مكنتش عارفه اعيش من غيركم وانت يا احمد يطلع وراك كل ده ومش معرفنا انت بتشتغل ايه ومين عم اسماعيل ده = انا اسف ياهند طبيعه شغلي مينفعش اقول لحد انا بشتغل ايه و فين انا بتعامل مع ناس خطيرة وبالنسبه لعم اسماعيل فهو فعلا في مثابة ابويا انا الي متكفل بيه بعد ما بابا اتوفي راجل غلبان ملهوش حد = انا اسفه يا احمد انا ظلمتك وكنت فاكرة انك زيهم ومكنتش موجود عشان ترد عليا وتفهمني الحقيقة بس عا** لسه مفهمني كل حاجه بصراحه هو مسابنيش طول الفترة دي _ عا** ده من اعز اصدقائي انا طلبت منه يخلي باله منك لحد ما ارجع احنا هنفضل نتكلم فالشارع كده مش هنطلع فوق بقي = طيب اطلعوا انتوا وانا هاجي وراكم رحت لعا** كان قاعد في عربيته بيراقبنا من بعيد _ انا مش عارفه اشكرك ازاي انت رجعتلي روحي من تاني مش عارفه من غيرك كنت عملت ايه = هتصدقيني لو قولتلك اني عشت اسعد اسبوع في حياتي معاكي هو انا ممكن اجي اشرب الشاي عندكم ضحكتله وقولتله مش وقت شاي خالص انا هطلع اشوف اختي اصلها وحشتني اوي وهنرجع نتكلم تاني اكيد نشوف هتشرب شاي ولا قهوة و دلوقتي اتجوزنا و معانا اجمل بنوته ياااه انتي قصتك حلوة يارب نهاية اخويا تكون حلوة كده ادعيلي والنبي الاقيه علي خير انتي بجد ادتيني جرعه تفائل بعد ما كنت فقدت الامل

Free reading for new users

Scan code to download app

App Store Google Play

Facebookexpand_more