إختفاء البارت الثامن عشر
1791 Words
إختفاء البارت الثامن عشر
بقلم / غادة سعيد
فجأه تليفونها رن و شريف اتصل بيها . . . . .
_ دا الظابط الي متابع القضيه بتاعة زين . . . . .
= طيب ردي عليه وشوفيه عاوز ايه . . . .
_ ايوة يا حضرة الظابط . . . .
= ايوة يا زينه انا بكلمك اشوفك روحتي البيت ولا رحتي في مكان . . . . .
_ لا انا روحت البيت و . . . .
آدم شاورلها انها متجبش سيرته انه رجع من السفر . . . . .
روحت و قاعدة شويه حضرتك موصلتش ل اي حاجه . . . . .
= انا والله مش بنام و قولتلك ان شاء الله اخوكي عايش طالما مفيش جثه يبقي احتمال كبير انه عايش . . . . .
هسيبك ترتاحي دلوقتي ولو وصلت ل حاجه هتصل بيكي . . .
قفلت معاه وكانت مستغربيه ليه ادم مش عاوزها تجيب سيرته . . . . .
_ انا قولتلك متجبيش سيرتي عشان اعرف اساعدك الظابط ده لو عرف اني بدور معاكي او بعمل ايه حاجه بخصوص القضية دي هيمنعني ب اي طريقه عشان محدش يلاقيه قبله شكله كده جايله ترقيه من وراها ولا حاجه عشان كده مهتم اوي اسأليني انا عالظباط دول . . . . . . . .
عشان كده مش عاوزك تجيبيله سيرتي لا من قريب ولا من بعيد عاوز ادور علي زين من غير قلق . . . . . .
و اوعي تثقي في اي حد انتي عارفه انتوا قريبيين مني ازاي انتي و زين محدش هيخاف عليكي زيي . . . . . .
= عارفه طبعا يا ادم زين مكنش بيثق في حد غيرك و ماما كانت بتحبك اوي انت عارف كمان انت بالنسبالي ايه من زمان . . . . . . .
_ انا رجعت تاني يا زينه علي امل انك تسامحيني اني سافرت و سيبتك بس بعد الي عرفته ده مش هينفع نفتح فالقديم اهم حاجه دلوقتي اننا نلاقي زين بالسلامه . . . . .
بعد كده هعوضك عن كل الوحش الي شوفتيه . . . . . .
كنت فاكر اني هرجع الاقيكي اتجوزتي او اتخطبتي لكن انتي طلعتي اصيله يا زينه ومستنياني علي وعدك . . . . . .
انا عندي امل تسامحيني بس كل ده مش هيحصل غير لما نلاقي زين بالسلامه انا بس عاوزك تساعديني وتعرفيني التفاصيل يعني اختفي امتي و كان فين و كده . . . . ..
ومش عاوز تجيبي سيرة للظابط ده بيا خالص عشان حتي يدور في مكان وانا في مكان . . . . . .
انا معاكي يا زينه عمري ما هسيبك ابدا تاني . . . . .
انا همشي دلوقتي اروح عند ماما من ساعة مجيت مقعدتش معاها خالص و زعلانه مني . . . . ومن بكرة الصبح هصحي ادور في كل مكان مش هسيب حته من غير ما ادور فيها هلاقيه في اقرب وقت . . . . . .
_ لو فعلا لاقيته يا ادم هيكون جميلك ده عمري مهنساه ابدا في حياتي هتكون رجعتلي روحي فعلا انا بموت بالبطيء ومش عارفه اعمل ايه . . . . . .
= متقلقيش خالص وسيبي الموضوع ده علي ربنا ثم عليا انا .. . . . .
نزل ادم راح ل مامته وزينه قعدت تفكر في كلام ادم يا ترا هيلاقي زين ولا لا . . . . . .
وسرحت في ايام زمان لما كان ساكن معاهم في نفس البيت وكانوا عايشين اجمل قصه حب فالدنيا . . . . . .
كان فارس احلامها من زمان وسافر ووعدها انه هيرجع تاني وهيوفي ب وعده ويجي يخطبها من مامتها واخوها . . . . . .
لكن الحلم اتحول ل كابوس مبقاش فيه مامتها ولا اخوها . . . .
فاكره اخر رساله وكلام منه لما قالها . . . . .
_ انا مش هقدر اننا نتكلم من ورا زين انا هروح اكون نفسي وابقي قد المسؤليه و ساعتها هقدر اطلبك من زين بقلب جامد وهبقي راجل اقدر افتح بيت . . . . . .
وعدت السنين ورجع آدم لكن كل حاجه اتغيرت . . . . .
لكن مكانه موجود في قلب زينه زي مهو . . . . . . .
دخلت زينه تصلي وتدعي ربنا ان يديها اي اشاره عن مكان زين او تعرف هو عايش ولا ميت في اقرب وقت ممكن . . . . . . .
نامت وحلمت انها كانت قاعدة فالبيت عندها فجأه الباب اتفتح و لقت تعبان كبير اوي داخل عليها البيت قعدت تحاول تبعده وهو كان بيقرب اكتر و قعد عالكرسي جنبها بس مقربش منها وهي سابته فالبيت . . . . .
وصحيت مفزوعه من الحلم الغريب ده وقعدت تبحث عالنت تحاول تفسر الحلم ده لقت ان التعبان معناه شخص من حواليها بيحاول يأذيها والشخص ده تعرفه كويس . . . . . .
قعدت تفكر في الناس الي حواليها افتكرت ان ليها خاله من الصعيد مقطعينها من زمان اوي بسبب ان كان عندها بنت وكانت عاوزه تجوزها زين بالعافيه . . . . . .
وهما رفضوا رفض تام بسبب ان جوزها راجل بتاع اعمال وسحر اسود . . . . . . قعدت تقول لنفسها انا ازاي مفكرتش في خالتي و جوزها دول ازاي انا مسافرتش وطبيت عليها فجأه اشوف هي ليها علاقه ب اختفاء زين ولا لا . . . . .
دي حتي متعرفش ان اختها ماتت واظن دي حجه حلوة اني اسافر ابلغها ان اختها ماتت . . . . . .
دخلت حضرت شنطتها ولبست هدومها وقعدت تفكر تقول ل شريف ولا ادم انها مسافرة افتكرت كلا ادم ليها علي شريف وآثر فيها انه خايف علي مصلحته و بس . . . . . . .
كلمت ادم و قالتله علي الي هي هتعمله . . . . . .
_ دي فكرة كويسه جدا سافري انتي بس انا عاوز اجي معاكي و في نفس الوقت عاوز اقعد هنا عشان اقدر اوصل ل اي حاجه بخصوص زين و اترف ادور كويس عشان احنا كل دقيقه لازم تكون في صالحنا وندور في كل مكان سافري انتي وانا هفضل هنا مش هنام غير لما الاقيه . . . . .
بس متنسيش زي ما قولتلك اوعي تحكي للظابط اي حاجه احنا بنعملها عشان لو عرف هيسيب القضية كلها وهيمسك فينا احنا وكده محدش فينا هيوصل ل حاجه . . . . .
انتي هتتحركي امتي . . . . .
= جهزت هدومي وبلبس و نازله دلوقتي مش عاوزه اسافر بليل عشان الطريق طويل . . . . . .
_ طيب انا هاجي اوصلك لحد العربيات الي هتركبيها عشان متمشيش بالشنطه في تا**ي . . . . .
= متتعبش نفسك هاخد تا**ي من تحت البيت . . . . .
_ لا طبعا مش هتنزلي لوحدك انا جايلك دلوقتي . . . . . .
لبست زينه ونزلت لقت آدم واقفلها ب عربيه علي اول الشارع ركبت معاه عشان يوصلها . . . . . .
_ معلش انت جاي من السفر علي المشاكل دي كلها كان نفسي نتقابل تاني في ظروف احسن من دي . . . . .
= متقوليش كده يا زينه اوعي تكرري الكلام ده . . . . زين دا اخويا الي امي مجابتهوش والله انتي متعرفيش انا بحبه ازاي ومتعرفيش انتي بالنسبالي ايه ومامتك الله يرحمها كانت زي مامتي . . . . . . انا لحد دلوقتي مش مستوعب الي حصلكم ده في يوم و ليله بس ان شاء الله كل حاجه هتتصلح . . . . . .
_ كل حاجه راحت يا ادم انا خلاص مبقتش عاوزه اعيش . . . .
= اوعي تقولي كده يا زينه عاوزه تروحي فين وتسيبيني انا مصدقت رجعت تاني واخيرا لقيتك . . . . . .
انا عمري ما همشي تاني انا عارف ان الكلام ده مش وقته بس انتي لو تعرفي انا طول سنين غربتي مكنتش بفكر غير فيكي كنت بطحن نفسي فالشغل عشان ارجعلك بسرعه . . . . .
و اوفي ب وعدي . . . . مش انا قولتلك ان انا مش هرجع غير لما اقدر ابقي راجل و افتح بيت وانا رجعت اهو و مش ناقص غير اني ارسم الفرحه علي وشك نفسي اشوف ضحكتك من تاني عشان كده انا مش هرتاح ولا هيهدالي بال غير لما الاقي زين واشوفك بتضحكي من تاني . . . .. . . .
_ والله يا ادم مش قادرة اقولك كلامك ده مفرحني ازاي انت ادتني جرعه امل فظيعه و حاسه انك هتساعدني . . . . .
فجأه تليفونها رن و لقت شريف بيتصل . . . . . .
_ مش هينفع ارد عليه هيسألني انتي فين . . . . .
= وهو يسألك انتي مين ليه و ايه علاقته بيكي اصلا . . . . .
_ هو قالي انه هيبقي مسؤول عني من بعد وفاه ماما وقالي انه هيساعدني . . . . . . .
= وهيساعدك ليه يعني اقفلي معاه فالكلام يا زينه ومتدلهوش مساحه اكبر من مساحته . . . . . . .
ردت زينه عليه . . . . .
_ الو . . . . .
= ايوة يا زينه عاملة ايه النهارده . . . . ..
_ الحمد لله تمام في اي حاجه حضرتك وصلتلها . . . . .
= لا الحقيقه انا بتصل اتطمن عليكي بس انتي صوتك فالشارع انتي فين . . . . . .
_ انا نزلت مع واحده صاحبتي مخنوقه جدا و قولت اشم هوا وعندي امل انك تقولي اخبار حلوة .. . . . . . .
= غريبه يعني انك تنزلي في ظروف زي دي مع واحده صاحبتك انا قولت انك اكيد بتدوري علي زين . . . . .
_ مفيش حاجه غريبه ولا حاجه انا كنت محتاجه اتكلم مع حد شويه . . . . وبعدين حضرتك ده ايه علاقته بالقضية . . . . .
= انا اسف اني اتدخلت في حاجه زي دي . . . . بس انا هقولك كلمه واحده بس ومش هتصل بيكي تاني غير في حدود القضيه . . . . . . اوعي يا زينه تثقي في حد لازم تشكي في القريب قبل الغريب محدش بقي سهل اوعي تكوني بتعملي حاجه من غير ما تكوني قيلالي . . . انا الوحيد الي اقدر اساعدك متلجأيش ل اي حد غيري . . . . .
_ ماشي شكرا ليك مع السلامه . . . . .
قفلت زينه معاه و ادم كان متضايق ب علاقتها بيه . . . .
_ انا مش عارف هو واخد عليكي كده ازاي وانتي ازاي سمحاله ب كده انا مستغربلك جدا بصراحه . . . . . .
= انا مليش اي حد فالدنيا و حسيت انه شايل همي بجد عشان كده بتعامل معاه بالطريقه دي بس انا صديته شوفت ازاي و كلامك آثر فيا انت عندك حق في كل كلمه فعلا مفيش حد بقي بيساعد حد غير عشان مصلحته بس . . . . . .
وصلوا اخيرا عالموقف الي بيوصل للصعيد وهناك ادم قالها . . . . .
يتبع
كتابات ل ghada saeed
- Writer
