إختفاء البارت السابع عشر
1160 Words
إختفاء
البارت السابع عشر
بقلم / غادة سعيد
هند روحت بيتها و حكايه هند اديتها تفائل غريب ان اخوها عايش و محصلوش حاجه . . . . . . . .
دخلت قعدت فالصاله بتاعه بيتهم وقعدت تفكر شوية في كل الكلام الي حصل لقت ان اخوها مستحيل يكون عارف واحده زي ما احمد صاحبه بيقول و حست ان احمد ده وراه حاجه مخبيها بس مفيش اي دليل عليه . . . . . . .
فتحت تليفونها لقت شريف بيتصل بيها . . . . . .
_ انا مش عاوز ازعجك ولا اتدخل في حياتك بس انا عاوز اتكلم معاكي شوية ب خصوص اخوكي . . . . . .
= انتو وصلتوا ل حاجه . . . . . .
_ لا بس هقولك كام حاجه جايز نوصل منها لحاجه . . . . . . .
= طيب بكرة الصبح هاجي لحضرتك عالمكتب . . . . . .
_ ماشي هستناكي . .. . . . .
دخلت تنام وصحيت لبست هدومها ونزلت راحت عند شريف المكتب . . . . . . .
_ خير يا حضرة الظابط كنت عاوز تتكلم معايا في ايه . . . . .
= انا حاسس ان احمد صاحب زين ده وراه حاجه . . . . لما فضلت اراجع الكلام الي بيقوله حسيت ان فيه حاجه غلط وكلامه متناقض لبعضه . . . . . .
بيقول انه طلعله وتليفونه كان فاصل شحن وباين عندي هنا ان تليفونه كان مفتوح واتقفل فالوقت الي نزل فيه من عنده . . . .
وفي كلام كتير متناقض عنده . . . . . .
_ امال لو تعرف الي حكهولي كمان . . . . . .
= حكالك ايه هو انتي رحتي قابلتيه اصلا . . . . . . .
_ بصراحه اه قابلته عشان اترجاه لو يعرف حاجه يقولي وخليته وداني عند بقي اصحابهم . . . . . .
= وبعدين عملتي ايه . . . . .
_ لقيته بيحكيلي موضوع غريب اوي بيقولي ان زين كان عارف واحده مش كويسه اسمها حبيبه وكانت بتقوله يبعد عننا وبيقول كمان انه مكنش حاكي الموضوع ده ل اي حد خالص غيره هو بس وقايله ميقولش ل اي حد خالص . . . . . . .
ع** ما شوفت اصحابه التانيين سألتهم هو زين ممكن يكون ليه علاقه ب حد مثلا او اي بنت نفوا الكلام تماما وحسيت ان احمد وشه اتغير لما سألتهم . . . . . .
= اكيد احمد ده وراه حاجه وعاوز يتوهنا وندور ع** الاتجاه بس انا مش هسيبه انا هفضل وراه لحد ما ينطق بس امسك دليل الاول ينفع استدعيه بيه . . . . .
_ طيب انا اعمل ايه دلوقتي . . . . . .
= ابعدي عن احمد ده خالص يا زينه احسن يأذيكي الولد ده شكله مش سهل وانا قولتلك قبل كده . . . .. . .
_ حاضر بس لو كلمني اكيد هرد يمكن اوصل منه ل اي حاجه . . . . . .
= طيب هتعملي ايه دلوقتي هتروحي فين . . . . .
_ والله مانا عارفه انا جالي حاله من اليأس هروح البيت . . . . .
= طيب تحبي اوصلك . . . . .
_ لا انا هتمشي شويه عشان زهقانه . . . . .
نزلت زينه وقعدت تلف فالشارع مش لاقيه مكان تروحه راحت مروحه البيت اول مدخلت البيت لقت الباب بيخبط قامت تفتح تشوف مي اتفجأت لما لقت آدم . . . . .
( آدم يبقي صديق عمر زين وحب حياتها كان ساكن معاهم من و هما اطفال و بعد الجامعه سافر بره يشتغل وانقطعت اخباره من ساعتها )
_ آدم ! انت جيت من السفر امتي بقالي كتير اوي مشوفتكش . . . . . . .
= انا جيت امبارح واول واحد جيه علي بالي اجي اشوفه هو زين . . . . . . زين فين دا واحشني اوي . . . . .
فجأه دموعها نزلت . . . . .
_ زين مش موجود يا ادم . . . .
= امال راح فين يا زينه نزل تحت . . . . . .
_ زين مختفي بقاله فتره و محدش عارف يوصله . . . . .. .
= انتي بتتكلمي بجد يعني ايه محدش عارف يوصله هيكون راح فين يعني الارض اتشقت و بلعته .. . . . . . .
_ والله ما اعرف حاجه احنا لقيناه فجأه اختفي ومفيش اي خبر عنه . . . . .
= و طنط فين اكيد حالتها صعبة اوي . . . . . .
_ طنط الله يرحمها ادعيلها بالرحمه مستحملتش غياب زين وجالها شلل و جلطه بعد كده راحت للي خالقها راحت وسابتني لوحدي تايهه بدور علي اخويا الي معرفش هو عايش ولا ميت . . . . . . . انا حاسه ان هيجرالي حاجه يا آدم . . . . . .
= ايه طنط ماتت لا متقوليش كده ازاي كل ده حصل ازاي يا زينه يارتني كنت اعرف كنت جيت من اول يوم يارتني كنت اتصلت حتي . . . . . انا من النهارده مش هنام ولا هعمل اي حاجه غير لما الاقي زين . . . . . .
_ متتعبش نفسك انا دورت في كل مكان و قلبت الدنيا كلها عليه ملهوش اي اثر كأن الارض انشقت وبلعته . . . . .
= طيب انتي مبلغتيش البوليس . . . . . .
_ بلغت طبعا لكم مفيش اي فايدة انا خلاص فقدت الامل . . ..
= متفقديش اي امل وانا معاكي انا هدور عليه بنفسي ومش ههدي غير لما الاقيه
_ انا هدور فكل مكان مش ههدا ولا هيرتاحلي بال غير لما الاقيه هلف مصر كلها . . . . . .
=انت اخر مره كلمته امتي صحيح يا ادم . . . . .
_ انا بقالي شهر معرفش عنه حاجه كنت مشغول فأمريكا وقولت هاجي واخيرا هنتلم مع بعض . . . . .
معرفش ايه المصايب اللي حصلت كلها فنفس الوقت دي . . . . . .
انتي صحيح مقولتليش الظابط اللي متابع معاكي القضيه وصل لإيه . . . . . . .
= ولا وصل لأي حاجه خالص بقالنا عشرين يوم بنعافر اننا نلاقيه لكن زين اختفي الارض انشقت وبلعته . . . . . .
_ يعني ايه اختفي مفيش حد هيلاقي زين غيري وسيبيلي انا الموضوع ده وطلعي الظابط ده من الموضوع خالص عشان واضح انه بيدور معاكي مش عشانك عشان مصلحته تلاقيه عايز يترقي ولا حاجه . . . . . .
= عندك حق يا آدم انا مبقتش اثق فاي حد خالص انا دلوقتي مفيش حد فالدنيا اثق فيه خالص من بعد أمي الله يرحمها غيرك انت بس . . . . . .
_ وانتي عايشه ازاي لوحدك بتعملي ايه فحياتك . . . . .
= انا مش عايشه يا ادم انا شبه ميته . . . . . .
انا مش عارفه انام ولا عارفه اكل ولا عارفه اشرب حقيقي متدمره حياتي مبقاش ليها اي معني خالص . . . . . .
فجأه تليفونها رن
يتبع
كتابات ل ghada saeed
- Writer
