إختفاء

إختفاء البارت الثاني عشر

إختفاء

البارت الثاني عشر

بقلم / غادة سعيد . .

زينه قامت من سريرها بتنده علي مامتها لقت شريف والحاجه مني قاعدين فالصاله . . . . . .

_ وديتوا ماما فين راحت انهي مستشفي انا لازم اروحلها دلوقتي حالا . . . .

شريف : إهدي يا وفاء مامتك ارتاحت وراحت عند الي احن مننا كلنا ادعيلها بالرحمه . . . ..

_ انت بتقول ايه انت كداب ماما عمرها ما هتسيبني لوحدي كده ماما بتحبني ومستحيل تتخلي عني بالسهولة دي صح يا حاجه مني مش ماما مسابتنيش ردي عليا قولي اي حاجه . . . .

الحاجه مني كانت ساكته والدموع في عنيها ومش عارفه ترد عليها تقولها اي حاجه خالص . . . . .

_ انتو كلكوا كدابين انت كداب يا شرف انت وعدتني انك هترجعلي زين ومرجعتوش . . . . . وزين كمان كداب كان بيقول انه بيحبنا وميقدرش يستغني عننا و سابنا و مشي حتي ماما الي كنت فكراها بتحبني سابتني هي كمان و مشيت انا بكرهكم كلكم انا مش عاوزه اعيش . . . . . .

وطلعت تجري عالبلكونه عشان ترمي نفسها . . . . .

زين طلع يجري وراها ومسكها . . . . .

_ ابعد عني سيبني ارتاح من الدنيا كلها انا مش عاوزه اعيش لوحدي . . . . .

= إهدي يا زينه انتي اعصابك تعبانه إهدي هتنتحري وتغضبي ربنا وتموتي كافرة . . . . .

،_ ربنا اكيد هيسامحني لأنه عارف اني مش هقدري اعيش كده . . . .

= انا معاكي يا زينه مش هسيبك غير لما الاقي اخوكي . . . . .

_ كفاية بقي وعود كدابه انت مش قدها مش م**وف من نفسك بذمتك بقالك اد ايه ومفيش اي جديد . . . . . .

انت مش هتعرف تلاقي زين وانا هاجي اسحب المحضر من عندك انا مش عاوزه مساعدة منك وامشي اطلع برة مش عاوزه اشوفك هنا تاني . . . . .

= مش هسيبك يا زينه تعملي حاجه في نفسك انا من النهاردة مسؤول عنك والحاجه مني هتقعد معاكي هنا ومش هسيبك غير لما نلاقي زين . . . . . . .

_ زين هو فين زين زين لو كان عايش مستحيل كان سابني في ظروف زي دي كان هيجي عشان يطمني ويواسيني بعد ما ماما مشيت و سابتنا زين اكيد جراله حاجه متتعبش نفسك يا حضرة الظابط انت مش هتلاقيه وانا كده كده هيجيلي يوم واموت حتي لو مانتحترش فانا هموت من الوحده لأني مفيش سبب اعيش عشانه . . . . . . .

شريف شالها و دخلها الاوضه وقفل عليها وقال للحجه مني انها داخلة علي اكتئاب حاد و لازم تروح مصحه نفسيه عشان متأذيش نفسها . . . . . .

_ طيب وهنجيب المصحه دي منين يابني . . . . ..

= انا اعرف واحده صاحبي كان بيتعالج فيها هتصل اجيب رقمها منه و اكلمهم يجوا ياخدوها غصب عنها . . . . . .

احنا لازم نقف جنبها فالوقت ده عشان متأذيش نفسها لأنها مش في وعيها خالص . . . . .

_ عندك حق فعلا يابني طيب كلمهم ياخدوها احسن تعمل فنفسها حاجه . . . . .

فجأه وهما بيتكلموا سمعوا الناس فالشارع بيقولو لااااا يا زينه فتح شريف عليها الباب لقاها فاتحه الشباك و عاوزه ترمي نفسها . . . . . .

_ اعقلي يا زينه زين لو رجع مش هيلاقي حد واقف مستنيه وهتزعلوه منكم اعقلي و ارجعي . . . . .

= ابعد عني انت كداب زين مش هيرجع وانا مش هعيش لوحدي . . . . .

_ احنا كلنا جنبك لحد ما نلاقي زين وتعيشوا مع بعض . . . . .

= طيب و ماما مين هيرجعهالي انا مش هعرف اعيش من غيرها . . . . . .

_ خليكي مؤمنه بقضاء ربنا يا زينه مامتك عند الي احسن من اي حد . . . . .

وفجأه جري عليها مسكها و قفل الشباك بسرعه واتصل بالدكتور جه اداها حقنه مهدئه و نامت . . . .. . . .

اتصل بالمصحه و حكالهم حالتها والمصحه جم البيت بعد ساعه كانت نايمه مش حاسه ب حاجه شالوها وخدوها اول ما فاقت من النوم لقت نفسها في اوضه غريبه وفيه ممرضه معاها فالاوضه كانت فاكرة نفسها بتحلم . . . ..

_ انتي . . . انتي مين و انا بعمل ايه هنا . . . .

= انا ملك هفضل قاعدة معاكي هنا اتابع حالتك . . . .

_ حالتي ! حالة ايه هو انا فين اصلا . . . .

= حضرتك هنا في مصحه نفسيه عشان تقدري تتجاوزي الي حصلك . . . . .

_ انا مين جابني هنا اكيد شريف والله ما هسيبه هو فين تليفوني هاتيه . . . . بقولك هاتي تليفوني . . . . .

_ ايوة يا شريف انت فاكرني مجنونه جايبني مصحه نفسيه انت اصلا مالك بيا هو انا قولتلك عاوزه اتعالج . . . . .

يعني خدت الناس و دفنت امي من غير حتي ما تقولي

وكمان ودتني مصحة وانا نايمه انت دفنتني بالحيا منك لله انا مش عاوزه اشوف وشك تاني في حياتي . . . . . .

وقفلت السكه في وشه و عملتله بلوك علي رقمه . . . . . . .

دخلها الدكتور و قعد يتكلم معاها شوية وقالها. . . . .

_ انتي لازم تكوني مؤمنه بقضاء ربنا وتعرفي ان ربنا اكيد مخبيلك حاجه احسن من الي انتي فيها ولازم تبقي قوية وإن شاء الله هتلاقي اخوكي وتتجمعوا تاني علي خير ان شاء الله . . . . . . قعد يتكلم معاها وكلامه ريحها شويه و دخلت تنام و شريف كان بيتصل يتطمن عليها من الدكتور لأنها كانت رافضه تتكلم معاه نهائي . . . . . . . .

عدا اسبوع وبدأت تتحسن وترضي بقضاء ربنا وطلبت من الدكتور انها تخرج تكمل تدوير علي اخوها وكتبت تعهد انها مش هتأذي نفسها ولو حاولت هيرجعوها المصحه تاني و مش هتخرج تاني غير بعد كام شهر . . . . . .

الدكتور عملها استثناء بسبب حالتها الصعبة . . . . .

خرجت زينه من المصحه ورجعت بيتها . . . . .

وهي داخلة الشارع كل الناس قعدوا يسلموا عليها ويواسوها في وفاة مامتها والحاجه مني قالتلها . . . . .

_ اجي اقعد معاكي يا بنتي عشان لو احتاجتي اي حاجه . . . . .

= لا يا حجه متتعبيش نفسك انا بقيت كويسه و محتاجه اقعد مع نفسي شويه. . . . .

_ براحتك يا بنتي انا مش عاوزه اضغط عليكي . . . . .

طلعت بيتها قعدت تلف شويه فالشقه وتبص علي صورة مامتها و اخوها الي متعلقين فالصاله وبقت تكلمهم زي المجنونه . . . .

_ كده برضو يا ماما تسيبيني في اكتر وقت محتجالك فيه يارب تكوني مبسوطه في بيتك الجديد انا هريحك في قبرك انا مش هرتاح ولا هيهدالي بال غير لما الاقي زين عايش او ميت لازم قلبك يرتاح و ترتاحي في تربتك . . . . .

انت فين يا زين المفروض تبقي جنبي فالحاله الي انا فيها . . .

سيبتني لوحدي في اكتر وقت انا محتاجك فيه سيبتني لمين يا زين انا قاعدة فالشقه لوحدي مش عارفه اتصرف من غيرك نفسي اعمل عزا كبير ل ماما نفسي تكون جنبي فالوقت ده . . .

انا مش هرتاح غير لما الاقيك واعرف انت فين . . . . . .

فجأه باب الشقه خبط . . . ..

شريف عرف ان زينه خرجت و جه عشان يتطمن عليها . . . .

_ حمد الله علي السلامه يا زينه . . . .

= الله يسلمك يا حضرة الظابط . . . . .

_ انتي مش عاوزه تردي عليا خالص ليه انا هتجنن عليكي من ساعتها . . . .

= اعذرني يا شريف فالكلام الي قولتهولك انا اعصابي تعبانه وانت اكيد مقدر الظروف الي انا فيها . . . . . .

_ انا اكيد مقدر الظروف الي انتي فيها يا زينه وقلبي واجعني علي حصلك بس انا والله مش ساكت وبعمل كل الي اقدر عليه . . . . . . . . . انا مش هسيبك غير لما نلاقي زين مع بعض خليكي عارفه كده كويس . . . . . .

خرج شريف روح و زينه دخلت ترتاح وحلمت نفس الحلم ب زين انه في مكان صحرا وبيستغيث . . . . .

صحيت من النوم وقررت انها هتمشي بدماغها وتروح تقابل هي احمد صاحب زين من غير متقول ل شريف عشان حست ان كل ما بتقول ل شريف حاجه الموضوع بيبوظ اكتر . . . . . .

لبست الصبح بدري و قفلت تليفونها عشان شريف ميعرفش يوصلها ولا يعرف هي راحت فين . . . . .

راحت بيت احمد و مامته فتحتلها وافتكرتها انها اخت زين المختفي . . . . . .

_ تعالي يا بنتي اتفضلي اهلا وسهلا اتفضلي . . . ..

= انا اسفه اني بتصل من غير معاد بس انا والله مفيش قدامي حد غيركم انا معرفش حد يعرف زين غير ابن حضرتك انا امي ماتت بحسرتها علي زين . . . . . .

_ لا حول ولا قوه الا بالله ماتت ازاي و امتي . . . . .

= من حوالي اسبوع جيت اصحيها لقيتها مش بتصحي ماتت بحسرتها علي زين . . . . . .

_ طيب يا بنتي انا اقدر اساعدك ازاي و اكيد مش هتأخر . . . .

يتبع

كتابات ل ghada saeed