إختفاء البارت الحادي عشر
1628 Words
إختفاء
البارت الحادي عشر
بقلم / غادة سعيد
راح شريف عشان يشوف الكاميرات وكان عنده امل كبير انها هتوصله لحاجه . . . . . .
فتح الكاميرا عالوقت والساعه لكن اتفاجيء ان كلام احمد صاحب زين كان كله صح وطلع فعلا كان جاي مع حد و طلع عند احمد عشر دقايق ونزل تاني علي طول . . . . .
وبكده بيبعد الشبهه عن احمد خالص . . . . . .
شكر صاحب السوبر ماركت ومشي وهو حاسس بخيبه امل رهيبه كده الخيط الوحيد الي كان هيوصله للقضيه اتقفل هو كمان و بكده القضيه اتعقدت اكتر من الاول . . . . . .
اتصلت بيه زينه تطمن عمل ايه لأنها كانت قاعدة قلقانه و علي اعصابها مش عارفه تلاقيها من مامتها العيانه ولا من اخوها الي مش لاقينه في اي مكان . . . . .
_ الو ايوة يا شريف طمني عملت ايه . . . . .
= معملتش حاجه كلام احمد صاحب اخوكي طلع كله صح وظلمناه مفيش اي دليل ضده . . . . . . .
_ يعني ايه يعني القضيه اتعقدت تاني طيب احنا نروح فين ولا ندور فين تاني كده كل الابواب اتقفلت في وشنا تاني . . . . .
= ان شاء الله اكيد فيه حل امسك بس اي حاجه والقضيه كلها هتتحل انا مش عارف اول مرة قضية تبقي معقدة معايا بالطريقه دي انا مستغرب جدا .. . . . . . .
_ انا حاسه ان ماما هيجرالها حاجه يا شريف بسبب موضوع زين ده . . . . . .
= انا هروح المكتب دلوقتي و إن شاء الله مش هنام النهارده غير لما الاقي اي حل يوصلنا ب اي حاجه . . . . .
_ ان شاء الله يا شريف خد بالك من نفسك . . . . .
قفلت معاه وهي حاسه بخيبه امل رهيبه و منتبهتش ان مامتها اتحركت بالكرسي العجل وواقفه وراها وسمعت كل الكلام . . .
حاولت تداري الموضوع ومسحت دموعها وقالت ل مامتها . . .
_ شريف كلمني يا ماما وان شاء الله هنسمع اخبار حلوة النهارده . . . . .
مامتها بصتلها نظرة كأنها بتقولها انا عارفه انك كذابه يا زينه وحطت وشها فالارض . . . .
دخلت زينه تجيبلها الاكل مرضتش تاكل تماما . . . . .
فا ادتها الدوا وسندتها و نيمتها في سريرها . . .. . .
سمعت زينه تليفونها بيرن رقم غريب . . . . .
ردت بسرعه . . . . ..
_ الو . . . . .
= ايوة يا زينه انا ليلي معلش والله علي ما فوقت من صدمه موت بابا والعزا بتاعه كلمتك علي طول . . . .
_ لا ولا يهمك . . . . .
= طمنيني يا زينه لقيتوا زين . . . . .
_ لا والله يا ليلي ملاقيناهوش احنا هنتجنن وماما هيجرالها حاجه اختفي مش باينله اي آثر . . . . . .
= يعني ايه يا زينه اختفي ازاي يعني حاجه غريبه اوي انا والله معرفش عنه حاجه من ساعه ما بابا رفضه زين انسان محترم اوي احترم قرار بابا الله يرحمه و بعد عني اول ما حس ان بابا خلاص رافض احترم كلامه . . . . .
طيب عملتي محضر مفيش اي جديد . . . . .
_ ولا اي حاجه يا ليلي زين خلاص فص ملح و داب انا خايفه ماما يجرالها حاجه وزين مش موجود انا تعبانه اوي يا ليلي نفسي قلبنا يرتاح انا راضيه ب اي حاجه ربنا عاوزها لكن يكون مش موجود كده منعرفش ايه الي حصله . . . . . .
_ متقوليش كده ان شاء الله هيظهر يا زينه هيكون راح فين يعني . . . .
= المشكله انه مش من عادته انه يسيبنا ويتأخر علينا احنا مبنعرفش نعمل اي حاجه من غير زين البيت وكل حاجه . . . .
_ طيب انا اقدر اساعد ب ايه . . . .
= هاتيلي اي ارقام اصحابه اي حد يعرف زين حاولي تجيبيلي رقمه . . . . انتي اكيد عارفه اصحابه لأنهم كانوا زمايلك فالجامعه هما كمان . . . . . . .
_ والله انا بقالي كتير اوي مبكلمش حد خالص بس حاضر هحاول ادور في الاوراق القديمه دي عن اي ارقام وهبعتهالك ع طو ل. . . . . . .
قفلت مع ليلي و راحت تبص علي مامتها لقيتها نامت بس قلبها مكنش متطمن لأنها نامت فجأه مع انها كانت لسه صاحيه من خمس دقايق . . . . .
_ ماما . .. انتي لحقتي تنامي . . . .
مكنتش بترد . . . .
ماما ردي يا ماما انتي نايمه ولا ايه . . . .
يا ماما ردي عليا ابوس رجلك اوعي تسيبيني انتي كمان وتمشي يا ماما ردي وانا هنزل اقلب الدنيا كلها علي زين ومش هرجع من غيره بقي كده يا ماما بتسيبيني انتي كمان هو انا مش بنتك مش خايفه عليا اشيل الحمل ده كله لوحدي . . . .
يا ماماا ا اا اا ا ا ا اا
ردي ي ي ي ي ي ي يي ي
الناس كلها طلعت علي صوت زينه . . . . . .
_ لا حول ولا قوه الا بالله شدي حيلك يا بنتي . . . ..
= اشد حيلي ايه ماما كويسه اطلبوا دكتووور بسرعه اخلصوا هاتو دكتور. . . . .
طلبوا الدكتور جه بسرعه كشف عليها . . . . .
_ البقاء لله شدوا حيلكم . . . . .
زينه اول ما سمعت كده وقعت من طولها اغمي عليها . . . . .
محمد مسك تليفونه اتصل ب شريف . . . . .
_ ايوة يا حضرة الظابط . . . .
= خير يا محمد فيه حاجة وصلتوا لحاجه بخصوص زين . . . .
_ لا بس مامت زين تعيش انت ربنا يرحمها برحمته وزينه حالتها وحشة اوي و اغمي عليها وطلبنلها دكتور . . . . .
= ايه انت بتقول ايه لا حول ولا قوة الا بالله العلي العظيم . . .
ازاي حصل الكلام ده . . . ..
_ زينه جت تصحيها لقيتها ميته ربنا يكون في عونها صدمتين ورا بعض صعب اوي عليها مش عارف ازاي هتتخطي الي حصلها ده في اقل من اسبوع حياتها اتقلبت . . . . . .
= استني يا محمد متعملوش اي حاجه غير لما آجي انا جاي دلوقتي حالا ربع ساعه وهكون عندكم . . . . . . .
شريف ركب عربيته و راح بسرعه علي بيت زينه . . . . .
كان الشارع كله ملموم عند بيتها وهي نايمه والدكتور عندها فالاوضه وكان لسه خارج وقالهم . . . . .
_ انا ادتها حقنه مهدئه عشان عندها انهيار عصبي ولازم ترتاح وهتنام من الحقنه دي عالأقل ٨ ساعات متواصل انا برجح انكم تاخدوا مامتها تدفنوها عشان هي مش هتستحمل منظر مامتها و هي بتدفن و حد يفضل قاعد مع البنت هنا احسن تعمل حاجه في نفسها . . . .
طلبوا من الحاجه مني تفضل قاعده معاها و شريف جهز كل اجرائات وتصاريح الدفن عشان وراحوا دفنوها وخلصوا كل حاجه وبعد ما خلصوا شريف راح عند بيت زينه كانت لسة نايمه والحاجه مني قاعده عشان اول ما تصحي تحاول تهديها ب اي طريقه . . . . . .
دخل البيت كانت الحاجه مني قاعدة فالصالة . . . .
_ سلام عليكم يا حاجه مني ايه اخبار زينه . . . . . .
= والله يابني هي لسه مصحيتش لحد دلوقتي انا شايلة اوي هم الوقت الي هتصحي فيه وتتفاجيء ان مامتها هي كمان راحت . . . . . .
والنبي يابني خليك قاعد معايا احسن انا مش عارفه هعمل ايه لما زينه تصحي وانا ست كبيرة ممكن معرفش اسيطر عليها خليك قاعد معايا شوية . . . . . . . .
_ حاضر يا حاجه متقلقيش انا قاعد معاكي اهو لحد ما زينه تصحي وهقوم اعملنا كوبايتين شاي كمان تشربي شاي معايا . .
= ياريت والنبي يابني احسن الصداع هيموتني من الصبح . . . .
دخل زين عشان يعمل الشاي واول مرة يدخل المطبخ بتاعهم كان مطبخ متواضع جدا و زينه كانت ملزقه عالحيطه وصفات اكلات تعملها و زين كان كاتبلها عالورق كلام . . . . . .
قعد يفكر اد ايه انهم كانو اسرة بسيطه وبرغم بساطتهم كانوا عايشين في سعاده و حالهم اتقلب ف يوم و ليله واتقلبت من اسرة سعيدة ل اتعس اسرة فالدنيا ومبقتش اسرة دي بقت فرد واحد والباقي مبقاش موجود . . . . . . . .
شريف عاهد نفسه انه مش هينام غير لما يعرف زين راح فين و حصله ايه بالظبط . . . . . .
عمل الشاي و طلع برة للحاجه مني يقعد معاها لحد ما زينه تفوق . . . .
_ يا قلبي يا زينه البنت دي صعبانه عليا اوي يابني هتعمل ايه فالدنيا دي لوحده دي بقت لا ام ولا اب و لا اخ هتعيش ازاي وتكمل حياتها . . . . . .
= انا مش هنام ولا هقدر اشتغل غير لما الاقيلها اخوها عشان بالها يرتاح ادعيلي يا حجه ربنا يهون الايام دي عليا انا كمان القضية دي معرفش معقدة كده ليه . . . . . .
انتي معندكيش عيال يا حاجه . . . . . .
_ لا يابني جوزي الله يرحمه مكنش بيخلف عشت معاه عالحلوة والمرة و رضيت بنصيبي و عيال اخواتي بيقولولي يا ماما والناس هنا فالشارع كلهم بيعتبروني امهم . . . . . .
= انا من رأيي تقعدي هنا مع زينه كام يوم تباتي معاها احسن تعمل في نفسها حاجه . . . . . .
_ انا معنديش مانع يابني دنا اخدم زينه ب عيني بس هي ممكن تدايق ومتكنش حابه ان حد يقعد معاها . . . . . . .
= لا اكيد ده اكتر وقت محتاجه حد جنبها . . . . . و لازم كلنا نقف جنبها ومنسبهاش فالظروف دي . . . . .
فجأه زينه صحيت. . . .
يتبع
كتابات ل ghada saeed
- Writer
