إختفاء البارت الثالث عشر
2013 Words
إختفاء
البارت الثالث عشر
بقلم / غادة سعيد
_ انا عاوزه اقعد مع احمد عوزاه يقف جنبي و يساعدني الاقي زين هو اكيد يعرف اصحاب زين كلهم ويقدر يوصلني ليهم . . . ..
= احمد حالته النفسية سيئه جدا من بعد زين دول مكنوش بيفترقوا عن بعض ابدا . . . . بقي دلوقتي قافل علي نفسه الاوضه ومش عارف يعمل ايه . . . . .
_ طيب ممكن ادخل اتكلم معاه شوية . . . . .
= اتفضلي طبعا يا بنتي اوضته اهي تاني اوضه . . . . .
راحت زينه و خبطت علي باب الاوضه . . . . .
_ إدخل . . . .
استغرب احمد لما شاف زينه هي الي بتخبط . . . .
_ اهلا يا زينه اتفضلي اقعدي . . . . يارب تكوني جيبالي اخبار حلوة عن زين . . . . .
= انا بصراحه جيالك عشان تساعدني انت الامل الوحيد ليا بعد زين و ماما الله يرحمها . . . . . .
= لا حول ولا قوة الا بالله هي والدتك اتوفت امتي . . . . .
_ الاسبوع الي فات مستحملتش غياب زين و ماتت . . . . . كانت نايمه و جيت اصحيها مصحيتش من النوم . . . . .
انا نفسي اريحها في تربتها و الاقي زين و اروح ازورها و اوريها اني لقيته . . . . .
= انا من ساعة ما زين اختفي وانا مبقتش انا قافل علي نفسي الاوضه حياتي وقفت ومش عارف اكمل . . . . .
بس لقيت نفسي هدخل في موضوع مليش فيه والظابط كان عاوز يحبسني لولا الكاميرات برأتني امي خافت عليا جدا وقالتلي خرج نفسك من اي حاجه عشان هي معندهاش غيري . . . . . . وانا خوفت اعمل ع** ما قالتلي تزعل مني. . . . . .
_ انا فهماك والله بس ارجوك ساعدني وانا مش هجيب سيرتك في اي حاجه ولا هقول لحد انك ليك علاقه ب اي حاجه اوصلها . . . . . دا حتي محدش يعرف اني جيالك حتي شوف قفلت تليفوني قبل ما اجي عندك . . . . .
= ماشي انا موافق . . . . انتي عاوزه تعرفي ايه بالظبط . . . .
اديني عنواين باقي اصحابكم . . . . .
_ انتي ناوية تعملي ايه .. . . .
= لسه هفكر هعمل ايه بس اديني بس العنواين انا كنت سامعه انكم ٤ اصحاب انت و زين و اتنين كمان صح. . . . . .
اه و حسام و علي . . . . .
_ طيب ابعتلي عناوين حسام و علي عالواتس بلتفصيل خد رقمي اهو عشان تبعتلي عليه . . . . . .
وشكرا انك هتقف جنبي . . . . .
= انتي بتقولي ايه دانتي اخت اخويا وصاحبي يعني في مقام اختي . . . . . انا افدي زين برقبتي بس انا مش عارف اتصرف ازاي حاسس اني تايهه ومتكتف ومش عارف ادور فين ولا اعمل ايه . . . . . .
_ هو زين مقالكش قبل كده انه علي علاقه ب واحده او بيحب واحده غير ليلي الي اتقدملها و اهلها رفضوا . . . . .
راح ساكت . . . .
_ انت ساكت ليه ارجوك لو فيه اي حاجه قولي يمكن تفيدني مفيش وقت للسكوت . . . . .
= بصراحه زين كان متعرف علي واحده مش كويسه من ٣ شهور وكان بيصرف عليها . . . . .
_ انت بتقول ايه اخويا مستحيل يعمل كده دا مبيسبش فرض . . . .. وبعدين كان بيصرف علي علاج ماما و مش مخلينا عاوزين حاجه خالص ازاي كان بيصرف عليها . . . .
= اصل بصراحه زين ساب الشغل بتاعه واشتغل شغلانه تانيه بمرتب اعلي و من ساعتها وهو بيصرف علي الي اسمها حبيبه دي وانا ياما نصحته و مكنش بيسمع كلامي . . . . .
_ يعني ايه يعني ممكن يكون معاها دلوقتي ساب اهله و راحلها . . . . . . ولا يكون فين . . . حتي لو عرف واحده دي ماما بتتحايل عليه عشان يخطب حد او يتعرف علي حد ايه هيخليه يعرف واحده من ورانا . . . . . .
= اكيد كان عارف انكم مش هتوافقوا بيها . . . .
_ مش هنوافق بيها ليه طالما بيحبها كنا هنوافق طبعا بيها . . .
ساكنه فين البنت دي . . . . .
= لا انا معرفهاش شوفتها مره بس معاه و من حكاويه نصحته يبعد عنها لأن البت دي مش كويسه خالص وبتستغله وكنت حاسس انها عوزاه يبعد عنكم ويروح يتجوزها . . . . .
_ يعني انت متعرفش اي معلومه عن حبيبة دي . . . . .
= لا انا الي اعرفه قولتهولك . . . . .
_ طيب انا عاوزه اوصل ب اصحابكم الاتنين التانيين . . . . . .
= ماشي عدي عليا عالمغرب كده وهود*كي عندهم . . . . .
سابته و نزلت وهي نازله عالسلم فتحت تليفونها لقت شريف متصل بيها ٩ مرات لما كان تليفونها مقفول فا اتصلت بيه ليكون وصل ل حاجه . . . . .
_ ايوة يا شريف خير في حاجه ولا ايه . . . . . .
= لا انا قلقت عليكي لقيتك قافله تليفونك قولت اتطمن عليكي انتي كويسه . . . . . . .
_ ايوة انا كويسة الحمد لله انا بس لقيت نفسي زهقانه نزلت اشم شوية هوا و مخدتش بالي ان التليفون مقفول لسه واخده بالي دلوقتي و فتحته . . . . .
= طيب انتي فين اجيلك آخدك . . . . ..
_ معلش انا محتاجه اقعد مع نفسي شوية وبعدين انا خلاص مروحه . . . . .
= ماشي زي ما تحبي . . . . .
قفلت معاه و روحت البيت اتصلت ب ليلي تطمن عليها وتشوفها لو كانت وصلت ل حاجه . . . . .
_ ازيك يا ليلي عاملة ايه . . . . .
= انا كويسه الحمد لله انتي عاملة ايه بتصل بيكي من كام يوم مش بتردي انتي كنتي فين وصلتي ل حاجه بخصوص زين . . .
_ معلش يا ليلي حصلتلي ظروف والدتي اتوفت و كنت في مصحه نفسيه اسبوع كده . . . . .
= لا حول ولا قوة الا بالله ربنا يرحمها يارب . . . . طيب و زين عمتلي ايه فالموضوع بتاعه . . . .
_ معملتش اي حاجه لسه مختفي ومش لاقينه . . . . انتي موصلتيش لأي حاجه خالص . . . . .
= منا قولتلك يا زينه اني علاقتي ب زين اتقطعت من سنتين انا حاولت اكلمه كتير وهو كان بيرفض بسبب بابا الله يرحمه لأنه كان رافض ارتباطنا و انا احترمت ده فيه . . . . . .
_ يعني مفيش امل توصليني ب اي معلومه . . . . . .
= هحاول والله اوصل لحد من اصحابنا القديمه وهقولك علي طول . . . . . .
قفلت معاها وقعدت تفكر ازاي احمد صاحب زين بيقول عليه انه عارف واحده مش كويسه و ليلي بتقول انه انسان محترم و مفيش زيه اكيد الموضوع ده فيه حاجه غلط . . . . .
دخلت اوضتها تنام شوية عشان ساعتين كده و هتقابل احمد . .
نامت شوية و صحيت لبست بسرعه وقابلت احمد . . . . .
_ هنروح فين دلوقتي . . . . .
= مش انتي طالبة تشوفي اصحاب زين الاتنين التانيين . . . .
_ اه عشان اسألهم علي كام حاجه يمكن يدلوني علي مكان زين او ايه حاجه تخصه . . . . .
= بس بقولك اوعي تجيبي سيرة البنت الي اسمها حبيبة دي قدام حد فيهم عشان زين كان محلفني محكيش لحد خالص . .
_ اشمعنا ما يمكن حد فيهم عارف الموضوع ده ويدلني علي مكانها . . . . ..
= لا انا متأكد ان مفيش حد عارف الموضوع ده . . . . . . .
راحت معاه عن اول واحد حسام صاحبهم اتصل بيه ونزلهم الشارع . . . . .
_ ازيك يا حسام انا زينه اخت زين وكنت عاوزه اسألك في كام حاجه . . . . .
= اتفضلي انا مصدوم من ساعة الي حصل ل زين و احمد قالي ومش متخيل ان زين ممكن يسيب اهله ويمشي كان دايما بيحكي عليكم ان انتوا كل حاجه بالنسباله غريبة اوي الي حصل فجأه. . . . . .
_ قولي يا حسام انت اخر مرة شوفت زين امتي . . . .
= قبل ما يختفي بيوم كنا متجمعين كلنا و شوفته . . . . . .
_ طيب ملاحظتش عليه اي حاجه خالص . . . . . .
= لا خالص كان طبيعي جدا زين الي نعرفه علي طول . . . . .
_ طيب بما انكم اصحاب من زمان هل ممكن زين يروح يكلم واحده مثلا من غير خطوبه او يعرف واحده مش كويسه . . .
احمد راح بصلها ومبرق جامد . . . . .
= زين ! انا اصدق ان اي حد فينا يعمل كده الا زين . . . . . .
زين عمره ما يلعب ب واحده ولا يكلمها ولا الكلام بتاع الشباب ده . . . . احنا بنبقي خارجين ونتحايل عليه يجي معانا لو معانا بنات زمايلنا ولا حاجه كان بيقولنا انه بيخاف يغضب ربنا يعني انسي خالص موضوع البنات ده مستحيل زين يعمل حاجه زي دي نهائي . . . . . . .
_ طيب انت ممكن تساعدني لو وصلت ل اي حاجه ده رقمي لو فيه اي حاجه كلمني علي طول . . . . . .
سابته ومشيت هي و احمد راحوا يتمشوا شوية . . . . . .
_ بصراحه يا احمد انا موضوع البنت دي مش داخل دماغي خالص محدش عمره يصدق انه زين يكلم واحده مش كويسه والكلام ده . . . . . .
= انا بحكيلك الي اعرفه و كده ابقي خلصت ضميري من ناحيتك عشان هو ممكن يكون راح معاها و لعبت في دماغه . . . . . . .
_ طيب ما انت مش راضي تجيبلي اي معلومه عنها انت بتقولي اسمها بس اعمل ايه ب اسمها و فيه مليون واحده اسمها حبيبة . . . . . .
= انا قولت اساعد مش اكتر . . .
_ طيب هنروح فين دلوقتي . . . .
= انا مضطر اروح البيت لأن امي اتصلت بيا و عوزاني ضروري اوي وهكلمك بكرة نروح عند علي . . . . .
_ ماشي . . . معلش انا بتعبك معايا . . . .
= لا ولا يهمك انتي زي اختي . . . .
مشي احمد و زينه قعدت تلف فالشوارع تبص في وشوش الناس الي ماشيه وتدور فيهم علي زين . . . . .
_ انت فين بس يا اخويا نفسي الاقيك تسندني فالأزمه الي انا فيها دي نفسي تاخدني في حضنك زي زمان وتقف جنبي . . . .
انا عارفه انك مروحتش وسبتني ب رضاك انا مش مصدقه كلام صاحبك ده عنك انا متأكده انك في أذمه و كبيرة اوي كمان يا ترا انت فين يا زين يارب لو كان عايش اديني اي إشارة بس . . . . .
فجأه وهي قاعده بتعيط لقت بنت صغيرة بتخبط علي ضهرها . . . .
_ اتفضلي يا طنط انا ببيع ورد و دي ورده ليكي عشان انتي بتعيطي . . . . انتي زعلانه ليه يا طنط . . . . .
= يا حبيبتي شكرا اوي ممكن تكوني انتي الإشارة من ربنا مفيش اجمل من كده إشارة . . . . . .
_ انا مش فاهمه اي حاجه من كلامك يا طنط . . . .
= اتفضلي يا روح طنط خلي الفلوس دي معاكي وانا هاخد الورده الجميلة اوي زيك دي . . . . .
خدت الوردهوبعد ما كانت بتعيط ابتسمت و حست ان دي إشارة من ربنا و اخوها زين عايش بس الموضوع محتاج شوية معافرة عشان تلاقيه . . . . .
قعدت تتمشي فالشوارع ب صورة زين اي حد ماشي توريه صورته يمكن حد يتعرف عليه . . . .
لكن من غير فايدة كأنها بتدور علي إبرة في كوم قش . . . .
روحت البيت ترتاح شوية اول ما فتحت باب الشقه لقت تليفون البيت بيرن و اول ما ردت . . .
يتبع
كتابات ل ghada saeed
- Writer
