إختفاء البارت العاشر
1570 Words
إختفاء
البارت العاشر
بقلم / غادة سعيد
فجأه تليفون زينه اتبعتله رساله غريبه جدا كانت بتقول . . . . .
_ متدوريش كتير هو لو عاوز يرجع كان رجع ولو قلبك مش متطمن اوي دوري في ع** الاتجاه وارجعي لنقطه الصفر . . .
شافت زينه الرساله وانهارت . . . . .
واتصلت بالرقم بسرعه لقيته اتقفل في ساعتها . . . . . .
_ يعني ايه يا حضرة الظابط الرساله دي معناها ان زين كويس ولا لا يعني عايش ولا ميت . . . . .
=، وممكن برضو حد يكون بيحاول يتوهنا ونكون ماشيين صح وهو عاوز يبعدنا عن الطريق الصح . . . . .
_ حد مين ده احنا ملناش اي اعداء واخويا عمره ما كان بتاع مشاكل ولا عمره عمل عداوه مع حد انا هتجنن علي الي بيحصلنا ده . . . . . .
= ان شاء الله كل حاجه هتبان في اقرب وقت . . . . .
اديني الرقم الي بعتلك الرساله دي . . . . .
_ ليه ناوي تعمل ايه . . . .
،= هكلم صاحبي ده يكشف عليه يمكن نوصل ل اي حاجه . . .
اتصل ب صاحبه وطلب منه يكشف عالرقم ده كان مفتوح فين يمكن الرقم ده يوصلهم ل زين . . . . . .
رجعوا علي بيت زينه و شريف كان بيوصلها لأن الوقت متأخر جدا وصلها عند البيت و طلعت فتحت الباب براحه زي ما نزلت عشان مامتها متحسش بيها وتقلقها و تصحي . . . . . .
زينه دخلت اوضتها وغيرت هدومها وقعدت تبص عالرساله الي اتبعتتلها وتفكر فالكلام الي فيها لكن مفيش فايدة مفيش ولا كلمه مفهومه . . . . .
اتصلت ب شريف تطمن عليه وتشوفه روح ولا لأ لأن الوقت كان متأخر جدا . .. . . . .
_ الو . . . .
_ ايوة يا حضرة الظابط انا بكلمك عشان اشكرك علي وقفتك جنبي انا الفترة الي فاتت دي تعبتك معايا وطول اليوم بتلف معايا . . . . . .
= متقوليش كده يا زينه اعتبريني حد من اهلك وشيلي التكاليف دي خالص تقدري تناديني ب شريف عادي . . . .
انا ان شاء الله بالي مش هيهدي غير لما اوصل ل زين في اي حال لازم هوصله متعودتش اني اخسر اي قضية من بتوعي . . . . . .
_ انت صوتك فالشارع كل ده موصلتش البيت . . . . . .
= لا والله رجعت عالمكتب عشان ورايا شغل كتير اوي . . . . .
_ هو انت مش بتنام خالص انا اي وقت بكلمك فيه بلاقيك فالمكتب او فالشارع بتتابع قضيه عمري ما قولتلي انك فالبيت ابدا . . . . .
= منا المكتب ده يعتبر بيتي بنام فيه ساعه ساعتين فاليوم عشان اقدر اواصل بقيت اليوم الي زينا ده مبينامش . . . . .
_ ايوة حاجه صعبة جدا ربنا يعينك ويقويك يارب . . . . .
= عارفه يا زينه انا قضيتك دي بالنسبالي مش مجرد قضيه دا تحدي بيني و بين نفسي اني لازم الاقيلك زين ويرجعلكم تاني انا حاسس اني هلاقيه . . . . . .
_ يارب يا شريف انا والله لو موصلتش ل زين في اقرب وقت امي هتموت دي روحها فيه وانا ماما لو جرالها حاجه انا هعمل ايه لوحدي فالدنيا . . . . . . انا هنام دلوقتي و الصبح هصحي انزل من بدري اروح بيت صاحبه ده استسمحه لو يعرف اي حاجه و مش عاوز يدخل نفسه فالموضوع . . . . .
= لا بلاش يا زينه عشان ميحسش انك ضعيفه ولو طلع ورا حاجه يعرف اننا مش هنسكت وهنستدعيه . .. . . . .
بس انا قلبي حاسس ان الولد ده ملهوش دعوة ب حاجه . . . . .
لما قعدت ارتب كلامه في دماغي عرفت انه مش كداب . . . .
لأني بمراجعه الكاميرات كان زين فعلا راكب مع حد ب عربية سوده وكل الي قاله حصل الي هيبين بقي هو كداب فعلا ولا لا الكاميرات الي عند بيته اكيد هيبان زين فعلا جه و طلعله البيت ونزل لوحده من غيره ولا لا . . . . .
_ وانت متأكد ان فيه كاميرا تجيب كل ده . . . . .
= فيه في وش البيت بتاعه من حظنا هايبر كبير اوي و اكيد مركب كاميرات في كل مكان هجيب بكرة إذن النيابه وهروح وهعرف فعلا هو ليه يد في حاجه ولا لا . . . . . . .
_ يارب خير ان شاء الله وتقدر توصل ل اي حاجه . . . . . .
دخلت نامت زينه عشان تصحي الصبح تنزل تدور في اي مكان وكانت م**مه تروح ل صاحبه تستسمحه لو يعرف طريق زين يطمنها بس عليه عشان خاطر مامتها . . . . . .
نامت وصحيت الصبح بدري تصحي مامتها عشان تاكل اي لقمه كانت نايمه بقالها كتير اوي . . . . . .
_ ماما اصحي يا ماما كل ده نوم . . . . .
اصحي يا ماما انتي مش سمعاني بكلمك . . . .
مامتها فتحت عنيها لكن مكنتش قادرة ترد وبوءها معووج . .
زينه شافت المنظر قعدت تصرخ وتنادي عالناس فالشارع يطلبوا الإسعاف بسرعه . . . . . الناس طلبت الإسعاف و جت بعد نص ساعه خدوها وجريوا بيها عالمستشفي ودخلت للدكتور هي و زينه . . . . . .
_ في ايه يا دكتور ماما ايه الي حصلها ده انا بصحيها من النوم لقيتها كده ومش بتنطق ولا كلمه . . . . . .
= هو فيه حاجه مزعلاها . . . . .
_ بصراحه اه يا دكتور انا اخويا مختفي بقاله خمس ايام وقالبين الدنيا عليه مش لاقينه و امي مصدومه من ساعتها واكيد مستحملتش الصدمه . . . . .
= عشان كده باين من الاشعه . . . والدتك جالها شلل مفاجيء واحنا عندنا امل انها تتحسن في اسرع وقت . . . .
_ تتحسن ازاي بس يا دكتور و احنا ملقيناش زين مفيش اي امل يعني يا دكتور . . . . .
= انا كتبتلك شويه ادويه كده تواظبيلها عليهم وربنا يلطف بيكم . . . . . هو الموضوع معاها نفسي من الواضح . . . .
احنا هنسلمكم كرسي ب عجل من المستشفي عشان الحاله الي هي فيها وان شاء الله لما تتحسن وتبقي كويسه ترجعوه تاني. . .. . . .
_ شكرا اوي يا دكتور كتر خيرك . . . . . .
وهي خارجه من باب المستشفي لقت تليفونها بيرن و شريف بيتصل بيها . . . . . .
_ ازيك يا زينه عامله ايه . . . .
= الحمد لله يا شريف . . . .
_ صوتك فالشارع انتي فين كده . . . . .
= انا في المستشفي ب ماما . . . . مش قولتلك مش هتستحمل جالها شلل مفاجيء وبقت قاعده علي كرسي ب عجل . . . . .
_ ازاي حصل ده و امتي بقولك ايه خليك مكانك انا جايلك . . . . عشر دقايق و شريف كان عندهم قدام باب المستشفي . . . .
_ ايه الي حصل يا زينه ازاي و امتي حصل كده . . . . .
= انا صحيت من النوم بصحيها لقيتها كده يا شريف . . . .
_ طيب يالا شيلي معايا . . . .
شالوها من عالكرسي قعدوها فالعربيه وقفلوا الكرسي وحطوه في شنطه العربيه و زينه قعدت ورا فالعربية و شريف خدهم و راح يوصلهم . . . . .
_ الف سلامه عليكي يا ام زين . . . . .
بصتله والدموع في عنيها . . . .
_ إن شاء الله زين يبقي كويس ومتشوفيش فيه حاجه وحشه ابدا . . . . .
انا والله مش ساكت و بدور في كل مكان و اكيد فيه حل . . . .
هتلاقيه متقلقيش . . . . عاوزك كده تبقي كويسه وتشدي حيلك عشان زين لما يرجع بالسلامه تعرفي تستقبليه . . . . . . .
كانت كل متسمع سيرة زين عنيها تلمع وتبتسم . . . .
وصلوا عند البيت وحطوا الكرسي وطلعوها عليه . . . . .
الناس الي فالشارع كلهم كانوا بيبصولها و هما مستغربين وكان الشارع كله في حاله من الحزن بسبب الي حصل للعيلة دي اتدمروا من كل اتجاه . . . . . .
طلعوا فوق و شريف شال مامت زينه علي كتفه و طلعها لحد البيت و دخلها علي سريرها . . . . . .
_ انا عمري ما هنسي وقفتك جنبي دي يا شريف وشيلة امي علي كتافك . . . . .
= بلاش كلام ملوش لزمه هي زي امي برضوا . . . . .
انا دلوقتي رايح علي المكان الي قولتلك عليه بليل عشان اراجع الكاميرات وإن شاء الله اوصل لحاجه . . . . . .
_ كان نفسي اجي معاك اشوف اخويا راح فين ومع مين بس مش هعرف عشان امي مفيش حد هيراعيها غيري . . . . .
سابها ونزل اتوجه عند بيت احمد صاحب زين . . . .
ودخل السوبر ماركت الكبير وطلب يقابل المدير . . . . .
_ خير يا حضرة الظابط . . . . . .
= لو سمحت انا معايا امر نيابة بمراجعه الكاميرات بتاعه المكان . . . . . . .
_ ليه خير هو في حاجه حصلت . . . . .
= الحقيقه انا ماسك قضية فيها حالة اختفاء لشخص و حسب معلوماتي ان الشخص ده كان اخر حاجه هنا قدام السوبر ماركت فا هراجع الكاميرات . . . .
_ اه طبعا تحت امرك اتفضل . . . .
يتبع
كتابات ل ghada saeed
- Writer
