Matuling lumipas ang araw, linggo at buwan. Naipasa na rin ni Lawrence ang kaniyang pinakamimithing bar exam. Siya ang nanguna sa ginanap na pagsusulit na iyon, naging matunog ang pangalan niya sa buong Pilipinas sa kaniyang pangunguna. Tinalo ang mga estudyanteng galing sa mga bigating eskuwelahan.
Maging sa pahayagan at telebisyon ay laman si Lawrence. Mailap man sa kamera pero hindi makatago mula sa mga ito.
Habang hawak ni Lawrence ang pahayagan kung saan naroroon ang artikulo tungkol sa kaniya ay hindi niya maiwasang maalala ang mga kaganapan ng araw na dakipin ang kaniyang ama. Hindi nagtago ang ama dahil sa paniniwalang wala siyang kasalanan. Hindi natanggap ng ina kaya sa araw na dakpin ang ama ay inatake ito para sa agarang ikinamatay. Sa artikulong ha
