Halos maluha siya sa nalaman. Buntis siya at si Lawrence ang ama. Pinaghalong saya at kaba ang naramdaman sa balitang bumulaga sa kaniya. Kaya pala tila may nararamdaman na siyang kakaiba. Lalo na sa umaga. Madali siyang mairita at kung naamoy ang niluluto ni Winter ay tila maduduwal siya.
Maging sa pag-uwi niya ay hindi niya alam kung ano ang gagawin niya. Sasabihin ba niya kay Winter ang kalagayan. Ipagbibigay alam ba niya ito kay Lawrence o hindi.
Maraming katanungan ang naglalaro sa isipan sa sandaling iyon. Ngunit hindi noon maipagkakailang magiging nanay na rin siya. Agad siyang napasalat sa impis pang tiyan.
"Baby, kapit ka lang ha. Mahal na mahal kita," aniya habang hinahaplos ang tiyan.
"Oh ate, andiyan ka na pala," tinig ni Winter buhat
