GANOON na lang ang tawa ni Candy sa sinabi ni Mhorric. Seryoso ba ito?
“Ano’ng nakakatawa sa sinabi ko?” kunot pa ang noo na tanong nito nang sulyapan siya bago muling ibinalik ang tingin sa daan.
“Nakakatawa ‘yong sinabi mo. Kung joke ‘yon, napakabenta sa akin.”
“I’m not kidding, Candy.”
Hindi pa rin napalis ang ngiti sa kaniyang mga labi. “Seryoso ka talaga?”
“Of course.”
Napilitan tuloy siyang magseryoso nang pumihit siya paharap dito. “Bakit mo gugustuhin na maging ama ng isang bata na hindi naman sa iyo nanggaling?”
“Krimen ba ang umako ng bata na hindi mo totoong anak?” sa halip ay balik-tanong nito sa kaniya.
Mukhang seryoso nga talaga si Mhorric. Kung sana lahat ay katulad nito. Malas lang talaga si Aivan sa totoo nitong ama.
“Gusto mo talaga na tumayong tatay ni Aivan?” m
