SA LOOB-LOOB ni Candy ay hindi siya mapalagay dahil sa pananahimik ni Mhorric. Malapit na lang silang matapos na kumain ay wala pa rin itong kasali-salita tungkol sa huli nilang pinag-usapan kanina.
Ni hindi na nito nasagot iyong tanong niya na, paano kung hindi siya pumayag sa nais nito?
Maging sa kaniya ay para bang hindi pa rin mag-sink na gusto siya nitong makasama roon. Like, seriously? Ngayon pa lang sila nito muling nagkita. Wala pa ngang twenty-four hours silang magkasama. Tapos hihiritan agad siya nito na gusto nito na mag-stay siya roon para makasama nito.
Her heart wanted to say yes… pero lito pa rin ang isang bahagi ng puso niya. May katanungan pa rin na nais muna niyang masagot. Kung bakit ba nais siya nitong makasama roon?
Uminom siya ng tubig. Pagkatapos niyon ay huminga
