ISANG mabigat na buntong-hininga uli ang pinakawalan ni Candy habang patuloy sa pagbunot ang kamay niya sa d**o sa kaniyang tabi. Nakaupo siya nang mga sandaling iyon sa ilalim ng isang puno habang nakatanaw sa kagandahan ng Taal Lake.
Wala pa siya sa huwisyo na umuwi sa mansiyon nina Mhorric dahil nag-e-enjoy pa siya sa naturang lugar. Napakaganda kasi at nakakawala ng bigat sa dibdib.
Naka-move on na rin siya sa nangyari kanina sa mansiyon. Hanggat maaari ay pinakakawalan agad niya ang kung ano mang nagpapabigat sa dibdib niya. Hindi kasi iyon makabubuti sa kaniya. Lalo na at naghahanap-buhay rin siya para sa kaniyang pamilya. Minsan kasi kapag natalo siya ng emosyon, pakiramdam niya ay nanlalambot ang katawan niya at tamad na tamad siyang gumalaw. Kailangan niyang magkusa na labanan i
