PASIMPLENG huminga nang malalim si Candy para mas paluwagin ang kaniyang paghinga. Kung kanina ay okay na siya, ngayon naman ay kakaibang pagkailang ang nararamdaman ni Candy habang magkasabay silang naglalakad ni Mhorric pabalik sa mansiyon.
Nasulyapan pa niya ang kaniyang kamay na hinawakan nito kanina para makatayo siya. Ramdam pa rin niya ang mainit nitong palad na humawak doon.
Tumikhim si Mhorric kaya naman napaayos siya sa kaniyang pagkakatayo. Bahagya rin niya itong sinulyapan. Ang tingin nito ay nakatuon sa dinaraanan nito.
Sino ba ang mag-aakala na sa pangalawang pagkakataon ay muli silang magkikita? At mukhang sa unang pagkikita pa lang nila roon ay may ideya na ito sa bagay na iyon, na siya ang babaeng tinulungan nito, ngunit hindi naman nito sinasabi sa kaniya na ito ang la
