SINULYAPAN muna ni Candy ang mga dala niyang panlinis nang umagang iyon. Simula sa araw na iyon ay siya na rin ang maglilinis ng slid ni Mhorric. Kanina kasi ay nagtuturuan pa sina Maring at Tala kung sino ba ang maglilinis sa silid ni Mhorric. Para hindi na magtalo pa ang mga ito ay siya na ang nagboluntaryo na gagawa ng paglilinis sa silid na iyon. Kailangan na rin daw kasing palitan ang kurtina sa silid niyon dahil isang linggo lang iyon maaaring magtagal doon at baka mas tirhan ng mga alikabok.
Kaya heto siya ngayon, maglilinis sa silid ng bugnutin nilang amo. May dala siyang pang-vacuum, feather duster, basahan, walis tambo at dustpan. Bukod sa pagpapalit niya ng mga kurtina ay magpapalit din siya ng mga punda ng unan, bed cover at kumot. Araw-araw kasi ay kailangang palitan ang nasa
