“ANO ‘yan, take two?” nangingiti pang biro ni Maring kay Candy nang makita na naman nito ang dalaga na abala sa pagtatadtad ng bawang sa sangkalan, sa may kitchen island sa kusina.
Napabuntong-hininga si Candy. “Nabasag ‘yong unang baso na dinala ko sa silid ni Sir.”
“Hala siya!” anito na tumabi sa kaniya. “Inihagis niya ang baso?”
Umiling siya. “Natabig niya, kasi ipinipilit ko na inumin niya ‘yon.”
Napangiwit ang mukha nito. “Aaaw. Hindi ko ma-imagine ang kasungitan niya.” Tinapik nito ang balikat niya. “Hanggang kailan mo kakayanin ang ugali ni Sir?”
“Hanggat hindi pa siya gumagaling,” aniya rito.
“Napaka-dedicated mo sa trabaho.”
Inihinto ni Candy ang ginagawa at tiningnan si Maring. “Matagal na ba kayong nagtatrabaho rito?” pag-iiba niya.
Umiling ito. “Bago lang kami lahat dit
