AGAD ang pag-upo ng tuwid ni Candy nang tuluyang maalimpungatan mula sa pagkakatulog ng hapong iyon. Nakayukyok lang siya sa may lamesa. Nahawakan pa niya ang gilid ng kaniyang labi. Wala naman doong bakas na tumulo ang kaniyang laway sa pagkakatulog.
Nakatulog pala siya. Hindi niya namalayan. Napatingin siya sa ibabaw ng lamesa na nasa gilid lang ng tindahan kung saan ay nakatulog siya. Agad niyang kinuha ang kaniyang cellphone. May sampung missed calls na naka-flash sa screen ng kaniyang cellphone. Number iyon ni Mhorric. Kahit hindi iyon naka-save sa list ng contact ng kaniyang cellphone ay alam naman niya na sa binata iyon.
Pero dahil nakatulog siya kaya naman hindi niya nasagot. Saka lang din niya naalala na naka-silent palagi ang cellphone niya. Kaya hindi siya nagising nang tumawa
