MAINGAT na pinihit pabukas ni Candy ang pinto sa silid ni Mhorric. Alas dos na iyon ng madaling araw kaya nakatitiyak siya na tulog na tulog na ang binata. Maingat din ang ginawa niyang pagpasok sa loob.
Ewan ba niya at nawala sa isip niya na lagyan ito ng ointment bago ito matulog kanina. Eh, hindi pa naman niya iyon maaaring kaligtaan dahil malaking tulong iyon sa paggaling nito. Lalo na at nakababad sa mukha nito overnight ang naturang gamot.
“Dinaig ko pa ang magnanakaw,” anas niya nang maisara ang pinto. Hiling lang niya ay huwag itong magising. Lalo na at iyon ang unang beses na gagawin niya iyon. Ang puntahan ito sa kalaliman ng gabi.
Napabuntong-hininga pa siya nang makita ang tila himbing na sa pagtulog na si Mhorric. Ilang sandali pa niyang pinagmasdan ang binata. At habang pi
