HABANG abala sa pagpapalit ng kobre-kama si Candy ay sinisikap niya na ignorahin ang presensiya ni Mhorric sa paligid. Sa halip kasi na lumabas ito sa silid nito, katulad nang parati nitong ginagawa kapag nagpapalit siya ng kobre-kama, punda at comforter ng higaan nito, hindi iyon nangyari nang mga sandaling iyon. Bagkus ay mas pinili pa nitong manatili sa loob.
Naroon ito at prenteng nakaupo sa isang one setter na sofa. Habang ang tingin ay ramdam niya na nakasunod sa bawat galaw niya.
Bigla na lamang siyang tinamaan ng pagka-awkward dito. Siguro ay dahil sa nangyari kaninang madaling araw. Basta, iba ang impact niyon sa kaniya. Hindi rin niya literal na maipaliwanag. O baka naman dahil kulang na siya sa tulog dahil hindi agad siya dinalaw ng antok? Napakaaga pa naman niyang bumangon ka
