PAGKASAMPAY ni Candy sa sampayan, ng kaniyang mga damit na nilabhan, saka lang siya naupo sa bangko.
“Nakapaglaba rin,” nakangiti pa niyang wika habang pinagmamasdan ang kaniyang mga kasuotan sa may sampayan sa likod ng malaking bahay.
Naglaba siya gamit ang mga kamay niya sa halip na gumamit ng washing machine na naroon, na sa tingin niya ay nangangain ng bano na katulad niya na nasanay sa paglalaba gamit ang mga kamay. Kahit kasi washing machine na ordinaryo ay wala naman sila sa kanilang bahay. At ang naroong washing machine ay maraming pinipindot. Baka sa maling pindot lang niya ay magkaroon ng sira ang naturang washing machine. Nahihiya naman siyang abalahin sina Maring at Tala na abala sa kani-kaniyang ginagawa nang umagang iyon. Idinahilan na lamang niya sa mga ito na mas gusto ni
