KATATAPOS lang mananghalian ni Candy nang makatanggap siya ng tawag mula kay Donya Teresa. Hindi pa ito nakakatawag sa kaniya kaya natutuwa siya na makatanggap ng tawag mula rito.
“Salamat, Tala,” aniya kay Tala nang ibigay nito sa kaniya ang wireless phone. “Hello po, Donya Teresa?”
“Kumusta na ang apo ko, hija?” bungad agad nito sa kaniya.
Napangiti siya. “Mabuti naman po. Napilit ko pong kumain ng gulay at itigil ang mga bawal na gusto niya. Sinisigurado ko po sa inyo na mabilis gagaling ang apo ninyo. Kasi kahit ano’ng pagsusungit niya ay wala siyang choice kundi ang sundin ang gusto ko. Para din naman po ‘yon sa kaniyang kapakanan. Nagtataka nga lang po ako kung bakit ayaw niyang gumaling noong una. ‘Yon ho kasi ‘yong napansin ko sa kaniya noong una kong tuntong dito sa inyong baha
