NAPABILIS lalo ang paglalakad ni Candy nang makarinig ng mga nangabasag na gamit. At nanggaling iyon sa silid ni Mhorric. Hindi na siya nag-abala pang kumatok sa pinto nang makalapit doon. Agad niya iyong binuksan.
Iyong pag-aalala na umusbong sa kaniya ay abot-langit. Ang lakas din ng kabog sa kaniyang dibdib.
Pagkabukas niya sa pinto ay agad din siyang pumasok sa loob para lamang matigilan. Ang mga naroong pigurin at ibang gamit na nakapatong sa display cabinet na hindi kataasan ay mga nakakalat din sa sahig. Inilibot niya ang tingin sa paligid.
Nakita niya si Mhorric na nakalugmok ng upo sa sahig at nakasandal sa may pader sa silid nito.
Bakit mukha itong galit sa mundo ngayon? Hindi ba naging maayos ang pag-uusap nito at ng girlfriend nito? Dahil ba sa hitsura nito ngayon?
Puno n
