“WE’RE not done yet, Candy…”
Para iyong batingaw na paulit-ulit sa pandinig ni Candy. Oo, hindi niya ikakaila na na-miss niya ang mga labing iyon… ang halik nitong iyon. Pero hindi niya sigurado kung bakit siya nito hinahalikan ngayon.
Na-miss din ba siya nito o dahil lang sa isang daang libo na ipinangako nito kay Vergie kanina? Kung seryoso man ito sa bagay na iyon.
Kahit gustuhin man ni Candy na magpakalunod sa halik nitong iyon, hindi maaari. Hindi niya iningatan ang sarili para lang magpakarupok na naman kay Mhorric. Kaya bago pa siya tuluyang malunod sa halik na iyon ay siya na ang kusang pumutol niyon.
Iniiwas niya ang mukha rito nang akmang hahalikan siya nitong muli. Ang dalawa niyang kamay ay inilapat niya sa dibdib nito para bahagya itong itulak palayo. Sandaling paglalapat
