Monica's P.O.V.
"Ikaw na siguro ang babaeng kinababaliwan ngayon ng pinsan ko. Hindi na rin ako magtataka kung bakit baliw sa iyo ang pinsan kong si Wilder. Ang ganda mo pala," sabi ni Dustine sabay ngiti.
Napangiti na lang din ako. Mga guwapo pala talaga silang magpipinsan. Itong si Wilder nga lang talaga ang mas guwapo sa kanilang tatlo. Hindi naman sa pagiging bias. Ibang klase lang talaga ang pagiging guwapo ni Wilder.
"Naku! Hindi naman ako naniniwala sa sinasabi ng lalaking 'yon. Mahirap paniwalaan eh. Alam ko namang babaero ang lalaking 'yon. Baka lokohin lang ako no'n kapag masyado akong naniwala sa mga pinagsasabi niya," sabi ko sabay tawa.
Tumawa rin siya. "Loko! Oo hindi ko rin naman itatanggi na ganoon si insan pero malay mo naman, 'di ba? Ikaw ang magpabago sa kan'ya. Kasi
