Wilder's P.O.V.
Simula nang sabihin sa akin ni Monica na iiwan na siya ni aling Modta, naging matamlay na si Monica. Nasanay ako na madalas niya akong tarayan o sabihan ng kung ano- ano pero hindi siya ganoon ngayon. Dalawang araw na siyang hindi nagtataray sa akin. Mahinahon niya lang ako kung kausapin o 'di naman parang wala siyang gana.
"Monica... ako na diyan," sabi ko sabay kuha ng pamunas dahil nagpupunas siya ng mesa.
Malungkot siyag naupo sa isang tabi. Pinagmasdan ko siya. Kahit na malungkot ang mukha niya, napakaganda pa rin niya. Sa kaniya na nga nakatutok ang mata ko habang nagpupunas ng mesa.
"'Yang mata mo...sa mesa na pinupunasan mo itutok. Huwag sa akin," biglang sabi niya kaya nagulat ako.
"Sorry..." sabi ko at kaagad na tumingin sa mesa.
"Bakit ka ba tingin nang tin
