Liezel
NAPATAKBO ako patungo sa bintana nang makarinig ako ng hugong ng sasakyan na tila huminto sa tapat ng gate namin. At ganun na lang ang pagnganga ko nang makilala ko doon ang kotse ni Joel.
Nandito siya! Bakit hindi man lang siya nag-text na parating pala siya ngayon? Itatakas na ba niya ako? Makakapasok ba siya gayong mahigpit ang bantay sa gate? At paano din siya nakapasok sa gate ng subdivision?
Bigla na lamang lumagabog ang kaba sa dibdib ko nang lumabas na nga sa kotse si Joel. Wala siyang dala na kahit ano at wala rin siyang kasama. Lumapit na siya sa gate.
Ano'ng gagawin ko ngayon? Hindi kaya tinawagan siya ni Damien para magtungo dito? Pero nasaan siya ngayon? Bakit si Joel lang ang dumating? Hindi kaya set-up 'to? Papatayin na kaming dalawa dito sa loob ng mga tao niya,
