Liezel
Sinilip ko siya sa ibaba mula dito sa railings ng hagdan. Natanaw ko naman siyang pumasok na sa kusina. Nakunsensiya naman ako dahil trabaho ko 'yon. Pero inutusan niya akong pumasok sa kwarto, at kailangan ko siyang sundin sa lahat ng mga utos niya.
Baka magalit pa siya kung susuwayin ko siya.
Nag-aalinlangan man ay bumalik na rin ako sa kwarto ko. Muli akong nahiga sa kama. Pero hindi maalis-alis sa isipan ko ang mga sinabi niya sa akin kanina.
Malakas talaga ang kutob ko na alam niyang totoo akong tao. Pero bakit parang pinipigilan pa niya akong umamin? Kaming dalawa lang naman ang magkasama dito. Ano kayang pinaplano niya? Ano'ng plano niya sa akin?
Haayst, sumasakit na ang ulo ko sa kaiisip. Kinakabahan pa rin talaga ako. Baka bitayin na lang niya akong bigla dito. Kung
