Liezel
BAGO UMALIS sila Joel at Damien kanina ay nagkaroon pa kami ng time na magkasama-sama sa late lunch. Sa buong oras na 'yon ay ramdam ko na parang napagkaisahan ako. Pakiramdam ko ay dati na silang may kaugnayang tatlo sa isa't isa na hindi ko lang alam.
Pakiramdam ko ay alam nila tatay at Joel ang lahat-lahat tungkol kay Damien at itinatago lang nila ito sa akin.
Nang makaalis sila ay saka ko naman inikot ang buong bahay namin. Sa tingin ko ay 1/4 ang laki nito sa mansion ni Damien. Napakalaki pa rin para sa amin ni tatay. May maluwag itong sala kung saan may isang 70 inches na tv. Sobrang laki na parang mayroon na akong sinehan dito sa bahay. May malalaki at mahahaba din kaming sofa. Siguradong napakaginhawa ng pakiramdam dito ni tatay habang nagpapahinga at nanonood ng tv.
Na
