“Nag-away raw sina Ford at Cyrus? Totoo ba?” tanong ni Marshiela sa sumunod na araw.
Nasa field kami at nakaupo sa damuhan sa gilid. Nagsusulat ako sa aking notebook habang nag-uusap-usap sila.
“Oo. Nabalitaan ko nga kay Cole. Matinding away raw!” sabi ni Tina at sumubo sa chips. Nakahiga siya sa kandungan ni Princess na naglalaro ng mobile games.
“Kaya pala nakita ko si Ford kanina! May band aid sa pisngi,” sabi ni Marshiela. Ngumisi ito at tumingin sa amin habang nakapangalumbaba. “Grabe ‘yong karisma ni Ford, ‘no? Kahit may sugat at band aid sa mukha, lalong gumwapo! Ang hot niya kanina! He looks like a bad boy!”
Gusto kong magsalita ngunit dumiin na lamang ang aking panulat sa notebook.
He doesn’t look like a bad boy, Marshiela. He is a bad boy!
“Ang cool kaya! So mysterio
