Tinungo ko ang entrada at hinanap si Ford. Sumilip ako. Nakita ko kung saan siya papunta. Akala ko ay sasakay siya sa kotse niya at aalis pero sa halip ay tinungo niya ang stone stairs.
Mayroong malaking garahian dito sa mansyon kung saan pila-pila ang magagandang kotse na pag-aari ng mga Salvatierro. Sa taas niyon ay ang roof deck. Maraming halaman doon at may loungers. Malakas din ang hangin sa gawing iyon dahil mas malapit sa dagat.
Napabuntonghininga ako. Bahala na nga siya! Siya na nga itong tutulungan, siya pa ang galit!
Mapait akong napailing. Katulad ng gusto ni Ford ay hinayaan ko na lang din siya. Pumanhik na ako sa itaas at bumalik sa kwarto ko.
Dumiretso ako sa aking kama. Pinatay ko rin ang ilaw at patagilid na niyakap ang unan ko. Pumikit ako at pinilit na rin na antu
