NAKAUPO SA HARAP ng salamin si Celeste habang inaayusan ang kaniyang sarili. Hindi na siya nagkuha pa ng make-up artist para ayusan siya. May tiwala naman siya sa kaniyang sarili. Alam niya na may kakayahan siyang gawin iyon.
Habang naglalagay ng maskara sa kaniyang pilik-mata, napangiti na siya. Natutuwa lang siya sa kaniyang itsura. Hindi sa pagmamayabang, pero alam niyang mas gumanda pa siya.
Nang natapos na siya sa kaniyang pilik-mata, naglagay na rin siya ng kulay pula na lipstick sa kaniyang labi. Napatitig na siya sa mukha niya sabay hawak sa kaniyang pisngi. Pagkatapos, tumayo na siya at tumagilid. Ninanais lang niya na makita ang kaniyang likuran sa suot niyang itim na backless.
“Celeste,” sambit ni Hiro mula sa labas ng kaniyang kuwarto.
“Papatapos na,” aniya. Alam niyang
