PAGDATING NILA CELESTE sa kanilang mansion ay agad siyang sinalubong ng kaniyang ina at ama. May pagtataka sa mukha ng mga ito kung bakit kinarga siya ng kaniyang tiyuhin. Pero nang makita ng mga ito ang bandage sa kaniyang paa ay nawala na ang katanungan sa mukha ng mga ito. Ihahatid na sana siya ni Hiro sa kaniyang kuwarto pero pinatigil sila ng kaniyang ina at pinaupo muna roon sa sofa.
Pagdating nila sa sofa, marahan siyang binaba ni Hiro. Pagkaupo niya, umupo rin ito sa kaniyang tabi. Napatingin naman siya sa kaniyang mga magulang na umupo rin sa sofa na nasa harapan nila.
“Mom, Dad, what do you need? Masakit pa ang paa and I need to rest,” aniya. Malakas ang kutob niya na may hindi magandang mangyayari.
“Iyan ba ang napala mo sa pagtakas sa first subject mo sa hapon? Kaya lumiliit
