GABI NA AT naliligo sa pool sina Celeste, Hiro, Cayne, at Sync. Napag-isipan lang nilang magpalamig para mawala iyong pagod at init nila sa katawan. Sinamahan lang naman nilang apat na mag-zumba si Doña Ximena at Don Denver. Kahit pagod sila sa klase at sa kanilang mga trabaho ay binigyan talaga nila ng oras ang dalawang matanda. Mahal nila ang mga ito kaya gagawin nila ang lahat para sa mga ito.
Umahon muna si Celeste at umupo sa gilid ng pool habang masayang tinitingnan ang kaniyang kasintahan at mga kapatid. Nagpapaunahan ang mga ito ng langoy na parang mga bata. Sa isipan niya, mabuti na lang na malapit lang ang edad ng mga kapatid niya sa tiyuhin kaya parang panganay lang ito sa mga ito. May kasintahan na ang panganay nilang sina Eros at Gabriel kaya madalas nasa kasintahan na ang mg
