"GOOD MORNING!"
Bati ko kay Mommy, tapos humalik ako sa pisngi niya. Naroon si Daddy at nagbabasa ng diyaryo pero hindi ko siya pinanpansin. Hanggang ngayon kasi masama pa rin ang loob ko sa kanya. Isa pa, nahihiya na rin akong pansinin siya kaya si Mommy na lang ang lagi kong binabati sa umaga.
"Good morning. Saan ang punta mo Ella?" Tanong sa'kin ni Mommy.
Napansin kasi niyang bihis na bihis ako ngayon.
Ngumiti ako sa kanya. "Pupunta po kami ng mga kaibigan ko sa mall magpapa-ayos po kami ng buhok mamayang gabi na po kasi ang masquerade ball."
Ngumiti sa'kin si Mommy. "Aattend ba si Andrei?"
Tumango ako. "Hindi raw siya sasama kung hindi ako aattend. Sige na po Mommy aalis na ako." Muli ko siyang hinalikan pagkatapos pumihit ako patalikod sa kanya. Hindi na ako muling tinatanong n
