Nakakatuwang panuorin si Havoc ngayon kasi ang dami niyang nakain, ni hindi man nga niya pinansin iyong dala niyang pagkain. Nakarami siya sa paksiw na niluto ni Tita.
“Sa susunod na papasyal kayo rito ay magsabi kayo, mabuti na lang talaga at dinagdagan ko ang niluto ko, kung hindi ay nakakahiya dahil wala man lang akong maihahain sa inyo,” pangaral niya sa amin habang kumakain pa rin kaming tatlo.
“I’ll take out foods from Jag’s next time, Tita, you might want to try their steak, it’s to die for. Or puwede rin naman pong kumain tayong tatlo doon minsan, isasama ko na rin si Lola para magkakilala kayo,” natigilan si Tita sa sinabi ni Havoc at parang medyo kinabahan, bagay na ipinagtaka ko. Pero sa huli at ngumiti na lang siya at tumango.
“Ikaw ang bahala, hijo. Pero hindi ba nakakahiya
