Nagising ako kinabukasan na wala na si Havoc. Malamang sa malamang ay nasa trabaho na iyon. Alas otso na ng umaga nang magising ako. Masarap at mahimbing ang naging tulog ko kasi sa kama ako pumwesto. Bagay na pinagtataka ko, kasi hindi man siya nakipag-pik-pak-boom sa akin.
Basta na lang niya sinabi kagabi na ako na raw sa kama. Kaysa magbago pa ang isip niya ay hindi na ako kumibo at mabilis na lang na pumasok sa kuwarto niya para makapaghilamos at makatulog na.
Pagkagising ko naman ay nagpahinga lang ako ng konti bago naghilamos at nagpasyang lumabas. Medyo kumunot pa ang noo ko nang mapansin ang isang pancake sa lamisita, may note pa.
I didn’t bother waking you up. I have to go work now but I cooked you pancakes. Make sure to drink milk, too. –Havoc
Ay ambot! Puwede bang sumigaw?
