Nang hapon na ay inaya na ako ni Havoc na umalis. Saktong katatapos lang naming kumain ng Carbonara na ipinaluto ni Donya Guada kay Nanang Flor para miriendahin namin.
Pinagbalot pa nga nila ako, pero sa tingin ko ay ibibigay ko na lang ito kay Tita. Ang dahilan kasi ni Havoc sa Lola niya at hinihintay kami ni Tita dahil nangako siyang pupuntahan namin siya ngayon.
Totoo naman na sinabi niya iyon sa akin, pero hindi kay Tita. Gayunpaman, alam ko na pupuntahan talaga namin siya.
“Havoc, nakikinig ka ba?” sabay kaming napalingon kay Donya Guada nang maihatid na niya kami sa labas.
“Opo, Lola,” sagot naman ni Havoc.
“Opo ka nang opo, kapag ang asawa mo nagkaroon ng komplikasyon sa pagbubuntis malalagot ka sa akin. Maraming hihingin ‘yan, marami siyang gugustuhing kainin, siguraduhin mo n
