Hindi na namin namalayan ni Havoc ang oras. Alas siete ng gabi nang magpasya kaming umalis na. Napansin ko na pulang pula ang maputi at makinis niyang mukha, marahil ay dahil iyon sa Gin na ininom nila.
“Kaya po bang mag-drive?” tanong ko nang nakasakay na kami sa sasakyan niya, nilingon naman niya ako bago siya ngumiti at tumango, tapos ay binuhay na niya ang makina ng sasakyan.
“Of course. Medyo nahihilo lang pero kaya naman. Goodness, ngayon lang ako naka-inom ng Gin Puro. Ang tapang pala,” napangiwi ako sa sinabi niya.
“Sana hindi ka na uminom. Wala naman silang magagawa kung ayaw mo,” ngumisi siya sa sinabi ko.
“Concern ang misis ko sa akin,” natatawang saad niya habang nagmamaneho na kaya napailing na lang ako.
Halatang lasing siya at ayaw lang niyang aminin iyon. Kinakabahan tu
